青山走犯-青山醫院

青山走犯 ? 青山醫院 走甩病人?香港精神科醫療都出事?

青山走犯 呢個爛gag,相信好多香港人都講過,相當政治唔正確,但事實唔正確。因為 青山醫院 本身係收容精神病患者,但收容醫院令下嘅精神病人,實際上係由懲教署管轄嘅小欖精神病治療中心去做,所以青山無犯,由點樣 青山走犯 ?只不過,青山醫院有精神病人走甩咗,呢件事,就反映咗香港精神科醫療都出出地事,真係唔會好過德國太多。

青山走犯 ? 青山醫院 資源唔夠 實際係投放資源太少

好多精神科病人,其實都唔駛出到醫院令,問題係,有無得及時就醫,往往係另一個問題。

醫院聯網
港島東 港島西 九龍中 九龍東 九龍西 新界東 新界西
緊急新症 (1) 1 星期 1 星期 1 星期 少於
1 星期
少於
1 星期
1 星期 少於
1 星期
半緊急新症 (2) 3 星期 3 星期 5 星期 3 星期 3 星期 4 星期 4 星期
穩定新症 (3) 44 星期 125 星期 78 星期 111 星期 79 星期 134 星期 92 星期

即係咁講,除咗港島東好啲,一個懷疑精神有問題嘅人,如果唔太嚴重,可以一年都唔駛就醫,其餘分分鐘要年幾,到兩年半時間就有人睇你,兩年半,真係由short short地都變short晒喇,屆時真係唔慌唔short circuit。大家可以想像一下,當專科門診新症都要等咁耐, 青山醫院 根本係唔夠人手去照顧病人,所以咪搞到呢次「 青山走犯 」事件。仲要依家膠到,醫管局叫人搵人,但連相都無張,我想問,市民點知道果條友就係青山醫院走甩咗嘅病人呢?呢個世界真係膠到無朋友。

講嚟講去,香港要解決依家專科等到長嘅問題,政府固然要投放多啲錢,大白象工程啲錢用嚟起醫院好過,但都要醫生至得。講明,我反對任何中國嚟嘅醫生,病人條命凍過北冰洋海水都似,但部分英聯邦國家,例如英、澳、紐、加,全部歐盟國家以及美國嘅醫生,係應該放寬,只要佢係香港永久居民或喺香港有 right to land,並且曾喺香港受基礎教育,或通過香港語文(粵語)考試就應該俾佢地執業,否則醫生唔夠困獸鬥,有排煩。雖然,醫生唔夠都係全世界嘅一致問題,香港嘅醫生都可以隨時攞Visa走去第二啲國家定居,但香港咁唔開放法,都唔多係辦法。唔通仲想嚟多幾單「 青山走犯 」事件,或者因未及時就醫搞出傷亡嘅事件咩。

One thought on “青山走犯 ? 青山醫院 走甩病人?香港精神科醫療都出事?

發表迴響

你的電子郵件位址並不會被公開。 必要欄位標記為 *