山本五十六

山本五十六 與貿易戰

山本五十六 有句名言,好扼要咁總結點解日本同德國喺二次大戰嘅失敗:「所謂的國防…是要提供與國力相應的武力同時也要提高國力,另一方面使用外交手段避免戰爭,這是國防的本質。」呢句嘢簡單嚟講,除非你資源充足,否則你唔好去打仗,亦唔好妄想以戰養戰。但中國喺貿易戰之中,犯上二次大戰日本同德國嘅錯誤,結果就係膠爆。

山本五十六 名言指出貿易戰點解中國無條件打

二次大戰係一個要打機動戰嘅戰爭,德國最有名嘅閃電戰,係靠坦克去打,而日本嘅海軍,亦都需要耗用大量嘅燃油去開戰機同航空母艦,但偏偏一樣最荒謬嘅情況出現,就係兩個靠機動戰爭起家嘅國家,竟然本身係唔出產石油,德國當時同羅馬尼亞結盟,就係睇中當時羅馬尼亞豐富嘅原油儲備。兩個無資源嘅國家,諗住打劫人地啲資源以戰養戰,結果戰線越打越闊,一發不可收拾,結果大家有眼見,面對擁有豐富資源嘅美國同蘇聯,唔被打到扁就出奇。基本上, 山本五十六 好清楚日本難免一敗,只不過當時東條英機條友發癲到失控,自欺欺人到極點。

中國依家情況一樣,中國人口眾多,但中國嘅天然資源不足以供養自己,其實同 山本五十六 口中嘅日本帝國一樣,中國唔係搞乜嘢一帶一路搞新殖民主義,而係尊重國際遊戲規則,廣結善緣,亦即使用外交手段避免戰爭。但依家中國搞出啲乜出嚟,成日跟喺俄羅斯後面撩事鬥非,其實二次大戰後,蘇聯都無條件撩事鬥非,所以列根一個吹多過做嘅星球大戰計劃,即刻將蘇聯資源燒清光,依家普京要重建蘇聯帝國比以往更無條件,因為俄羅斯連烏克蘭呢個大糧倉,同高加索南部嘅油田都無,基本上依家制裁兩嘢都已經見底,更何況中國,依家中國情況係仲衰過果陣嘅日本帝國。其實巴西大豆商人同美國大豆商人,將中國舞龍咁舞,中國人係咁買貴大豆,都知中國係完全無條件打貿易戰,因為都係果個問題,資源緊絀,資源假手於人,結果只會得等死呢條路。

所以 山本五十六 呢套戲上演果陣,左膠嘅寫法都係陳義過高。戰略人睇法好簡單,打仗前睇餸食飯。打仗要係燒資源,你資源無嘅話,就唔好諗打仗呢條路,做人就係咁簡單。

發表迴響

你的電子郵件位址並不會被公開。 必要欄位標記為 *