稀土-min

日本突變 稀土 大國:中國手上越嚟越少牌

一直以嚟,中國成日用嚟嚇日本和美國嘅其中一張牌係 稀土 ,因為中國擁有大量 稀土 儲存,而 稀土 係電子、紡織等工業必不可少,所以如果中國唔出口 稀土 ,美國同日本都難免要對中國有所顧忌,因為一時間要使用唔用 稀土 嘅技術唔容易。只不過,早稻田大學嘅團隊,竟然喺日本擁有嘅南鳥島搵到夠全世界用幾百年嘅 稀土 ,咁就大件事。基本上,中國少咗張皇牌可以打。

稀土 唔再係貿易戰皇牌

中國好多反擊貿易戰嘅皇牌都唔存在,只係用嚟打飛機,但 稀土 呢家嘢,係中國真係唯一可以用嘅皇牌,因為其他國家有一定嘅 稀土 儲藏,都未必敢好似中國咁完全唔顧環境咁開採。只不過,依家日本係有 稀土 回收技術,仲要有一個可以挖成幾百年嘅礦,不單一夜之間變成中國最大競爭對手,而且唔駛再要顧住中國嘅 稀土 出口限制,被迫將部分廠房留番喺中國,甚至會成為中國喺 稀土 市場嘅突然出現競爭對手。日本有一樣工業原料可以出口,至少可以同其他國家交換,亦某程度上紓緩日本一直以嚟怕天然資源緊絀果種緊張(當然地震造成嘅問題,就永遠無解)。換言之,中國依家唔可以再用 稀土 嚟制衡日本同美國,相反,中國依家果啲 稀土 礦礦主更可能要面對一夜之間嘅日本競爭,只要日本搞掂南鳥島嘅開發,中國果啲將環境搞到一塌糊塗嘅 稀土 城鎮,可能變成唔知點搞嘅地獄。

其實中國係越嚟越依靠外來資源,但手上可以用嘅經濟牌越嚟越少,而且中國係唔係真係咁多資金,大家都十分懷疑,否則都唔會有支爆嘅質疑。而本來可以自給自足嘅農業,中國人自己一手摧毀,相反,日本、德國呢啲經濟大國,其實都好注重保留一定程度嘅自主農業,呢個除咗係生計問題,其實亦都係國家安全問題一部分,否則就唔會喺農業補貼呢個問題上,各國政府喺世貿談判上打個你死我活。所以中國有無牌打貿易戰,日本人用佢地嘅發現話俾大家聽,中國根本無乜好牌喺手,仲要態度囂張成咁,所以習近平喺貿易戰呢個議題上想軟化,其實正係因為,中國自己知道,喺貿易戰之上,其實佢地一張可以打嘅牌都無,隨時係等死。

2 thoughts on “日本突變 稀土 大國:中國手上越嚟越少牌

  1. 「中『国』自己知道,…… 隨時係等死」 → 我相信呢個係全世界思想正常嘅生物嘅共同願望
    係就叫佢快啲趁地腍喇

發表迴響

你的電子郵件位址並不會被公開。 必要欄位標記為 *