facebook-seo

Facebook 國會聆訊嘅反思

Facebook 美國國會連續兩日聆訊,美國議員對科技缺乏應有認識,固然令人大開眼界,我只能講,乜嘢選民就選出乜嘢議員。只不過, Facebook 聆訊都指出一個好重要嘅問題,就係網上服務嘅收入模式應該係乜。或者咁講, business model呢家嘢,網民係應該有基本認識。

Facebook 根本唔係「免費」

雖然 Google 都有啲仆街,但Google有一樣嘢好公道,就係你俾錢嘅話,好多嘢你係話到事,例如我email用G Suite,係俾錢嘅版本,就真係無廣告,甚至好多事情我都可以控制到,例如設DKIM,基本上,你用得Google嘅嘢,你係好清楚,俾錢,或私隱被人攞去賣兩者二擇其一。當然,Google班友都無 Mark Zuckerberg,佢係黐線到連自己私隱都攞去賣都認得出,你聽起嚟,呢條友真係貪錢貪到傻,大佬,創業啫,駛唔駛自己嘅私隱都攞到賣咁仆街,唔怪得條友當其他用戶啲私隱幾乎隱形一樣喇,簡直離譜。但可以肯定係, Facebook 根本唔係免費,其實你係用你嘅私隱,去換 Facebook 嘅服務,呢個正係成件事嘅本質。而且因為 Facebook 嘅Search Engine一直都只能用削嚟形容,所以 Facebook 嘅 Audience Network係唔掂嘅,我依家齋用 Google Adsense 加 Yahoo Gemini 嘅收入都遠好過 Facebook Audience Network,你就知 Facebook 技術上,點解咁依靠出賣私隱,而唔係賣廣告。

當然,俾錢都唔代表一定唔會賣你啲私隱,只不過,當你俾咗錢,你就好多嘢都有資格要求對方做足,例如私隱上面,你講明收咗錢唔賣私隱,你仲攞去賣,告嘅方法都唔同,你可以要求更多唔同嘅服務添。其實 Facebook 最終,係唔係應該好似LinkedIn咁轉型,如果商戶係俾錢,係點俾,收費係點, Facebook 都有一堆server,咁係唔係 Facebook 提供雲端服務俾公司,可以令佢無咁大壓力要不擇手段,乜嘢個人資料都賣。畢竟 Facebook 係上市公司,喺business model上,係有必要向股東交代,而華爾街好多做fund manager嘅人,根本係唔理果種business model係合唔合符道德,佢地只係講賺唔賺到錢。

Facebook 呢件事上,固然反映呢間公司好有問題,但大家可以食免費午餐仲可以食幾耐,畢竟Server唔係一件平嘢,無嘢係一蚊都唔駛俾,依家仲係資本主義世界。

發表迴響

你的電子郵件位址並不會被公開。 必要欄位標記為 *