港珠澳大橋 人工島 防波堤消失?不如拆咗佢

港珠澳大橋 人工島 嘅防波堤,啲消波塊亂搞已經係事實,只不過更大鑊嘅事喺後頭,禮拜一有人喺降落香港嘅飛機上空,發現其中一個 人工島 嘅消波塊直頭消失,張相喺楊繼昌嘅節目度公開。當 人工島 防波堤搞成咁果陣,我真係懷疑港珠澳大橋有無可能成功啟用。

人工島 下面條隧道好快玩完

人工島 嘅消波塊被沖散,其實已經證明咗消波塊嘅重量不足以抵抗珠江口一帶嘅水流,但有五噸一舊,都唔會咁快衝到無晒,但依家係衝到無鬼晒,證明 人工島 除咗有設計失誤,更可能係設計失誤加唔夠稱嘅石屎躉,咁呢鋪仲唔 夠大鑊呀?港珠澳大橋受 人工島 安全問題所影響,基本上無法如期通車就肯定,如果要監粗通車嘅話,我相信結果係無人敢使用呢條橋,呢條橋留番俾崔世安同林鄭月娥用飽佢吧,一般香港人同澳門人,就唔應該使用呢條建築上充滿危險嘅橋,因為 人工島 消波塊消失嘅問題唔解決,以中國嘅偷工減料習慣,再加上珠江口嘅水流衝擊,應該好快隧道就會穿咗個窿,甚至有嚴重倒塌事故都唔奇,我諗你都唔想無喇喇葬身大海㗎。

當然,我有理由相信,中國為咗證明港珠澳大橋 人工島 係無問題,不單狡辯,仲如期通車,最仆街果招係cut晒澳門來往香港嘅渡輪服務,迫你坐港珠澳大橋嘅巴士,屆時我估基督教禁賭組織可能歡迎呢個決定嘅,因為屆時過澳門賭,隨時唔係賭錢,係賭命,仲要係一旦賭輸咗係一定無得走數果種,唔係陶國能長期走n條J數可以唔還,最多被人恥笑果隻。喺澳門同香港政府都係顧全中國利益優先嘅狗嘅情況下,我唔認為港珠澳大橋通車後,噴射飛航同埋珠江客輪仲有生意可以做。反正呢兩間公司後面都係國企,預咗要履行國家任務。

高鐵嘅情況,都應該會係類似,HollySys嘅訊號系統信唔信得過,其實大家心照,用阿爾斯通仲好少少,用和利時就堅早抖吧,我相信都係有一大堆中港巴士服務無咗,迫你班友坐高鐵果隻,果啲巴士公司唔少又係有國企背景,隨時可以為黨嘅任務犧牲果款。總之港珠澳大橋 人工島 嘅防波堤消失成咁,香港人都係自求多福吧。

One thought on “港珠澳大橋 人工島 防波堤消失?不如拆咗佢

  1. 如果政府提供先前的照片比較,這個位置都是這樣子,那麼連天鴿也沒沖走,應該不會平常就沖走了。這可能只是潮漲的效果。

    但如果潮漲也足以掩過防波堤,那即是說這個防波堤已經失去在高潮時保護岸邊的效果。

發表迴響

你的電子郵件位址並不會被公開。 必要欄位標記為 *