陳帆-萬能key-min

陳帆 變咗萬能key

萬能key呢家嘢,真係可遇不可求,只不過有一件叫 陳帆 嘅膠官,同埋唔知係真心膠,定曲線人士嘅政府新聞處人員,竟然將 陳帆 變成一張萬能key嘅張,只要𡛾Photoshop嘅簡單退地技術,就可以將呢班膠人key去任何地方,包括港珠澳大橋人工島,都係十分之好嘅萬能key出現地點。

陳帆 點解變鬼咗萬能key

有人話政府係造假,但根據我知嘅資料,呢次政府唔係造假,只不過打燈打到錯晒,打到唔駛綠布或藍布,都有藍布或綠布嘅效果,應該同不當嘅正面打燈有關,當啲人無晒立體感果陣,加上相機鏡頭嘅對焦問題,後面啲景物全部blur晒,結果一張千載難逢嘅萬能key照片就此誕生,仲要係 陳帆 官方提供一張萬能key相片,應該係自全職賭撚二世嘅ICQ戶口被發現,發現大批萬能key相片以嚟,上帝對一眾改圖友仔最大嘅恩賜,可能近排缺乏改圖好悶,而港珠澳大橋加高鐵連衰兩鑊,仲要佢負責埋一地兩檢嘅工作,上帝想懲罰一吓呢啲膠人,咪將佢變成萬能key,當然我講嘅上帝,唔係基督教嘅上帝,而係提供膠力於世人嘅小丑神。(當然,小丑神嘅獨生子,都應該仍然全職賭撚二世,呢個係毫無疑問)。

當然,好多市民都唔信呢張唔係key出嚟,咁可以理解嘅,呢個政府講大話當食生菜,依家港珠澳大橋同一地兩檢都成堆假話,一個政府無公信力成咁,完全係佢地自己攞嚟嘅,真係與人無由嘅喎,呢啲嘢,唔該政府自己好好檢一下。

仲有,發現呢張相嘅Facebook Page 新聞噏乜9,大家應該鼎力支持,簡單嚟講就係like咗佢,香港咁多膠到無朋友嘅傳媒人,係需要一個咁嘅page去鞭策,唔好最後變成一堆同屎都差唔多嘅嘢,咁大家不如睇高登或連登仲有營養。作為一個仍然喺主流傳媒有地盤嘅人,我對依家所謂主流傳媒持極大保留態度,更加唔好講果啲抄抄子或賣屎忽網媒。新聞噏乜9呢啲,就叫真係傳媒監察力,有件姓黃嘅老屎忽仲claim自己乜嘢傳媒監察力,就唔該叫佢快啲早抖,做咗政棍嘅人係無資格講監察傳媒。

One thought on “陳帆 變咗萬能key

  1. 作為新聞噏乜9發起人之一,要澄清兩點:
    a. 我地無意鞭策任何媒體,本來就覺得無藥可救,可以笑下係唯一嘅剩餘價值。
    b. 我地唔使睇報紙,甚至無人 mon 住啲媒體,全部有人報料,多到出唔曬。監察力唔係我地,係大家睇人仆街最開心,我地負責加啲鹽,落啲蔥咁。

發表迴響

你的電子郵件位址並不會被公開。 必要欄位標記為 *