陳茂波

陳茂波 點解咁乞人憎

陳茂波 夫婦發秘密email話校董夫婦對仔女出貓案,搞到上終審法院,上訴庭話唔駛重審,但終審法院觀點唔同,認為必須重審,即係呢單 陳茂波 夫婦話人地仔女嘅案件,會繼續打到天荒地老,我落 陳茂波 落台都未打完,呢單嘢。

陳茂波 點解咁乞人憎

因為呢單案即將重審,所以我唔判斷呢單案裡面嘅事實部分,只不過, 陳茂波 夫婦呢單案裡面,點解咁乞人憎,迫到人地出律師信,甚至打上終審法院,你估上庭打官司好好玩,仲要誹謗案係唔同啲,原告承受被告一級嘅壓力,反而被告查實抗辯唔駛太多,點解對方都要告? 陳茂波 夫婦我唔理出貓呢單嘢堅定流都係,點解要發秘密信件玩人先,依家好明顯唔係 陳茂波 個女見義勇為,父母撐子女正義行動所以撐到底,而係隨時兩家本來已經有仇口,有人以為私底下出信告密可以玩人,點知人未玩殘,對家已經出律師信還擊。呢啲係典型香港小人式嘅作為,香港由土共到唔知喺公司靠擦上位嘅友仔,都好鍾意打內容唔知有無加鹽加醋嘅秘密小報告玩殘對手,大部分香港好人係硬食,但少數唔甘心被老屈硬食咪出律師信,甚至堅係打上法院,甚至真係搵相關部門或機構remove啲內容。南洋最終變到律師信滿天飛,都係當年馬共用埋啲狗賤手法對付人民行動黨,以為人民行動黨都係英式教育南洋大少可以任打,結果激到李光耀鋪鋪出你同律師信,自己嘅面都唔要,咪係咁解。

陳茂波 喺呢單案中得嘅同情極少,因為唔計佢喺財政司司長任內表現,只係睇佢喺劏波事件果種著數攞到盡嘅態度,大家都係以一副食花生嘅態度,睇吓最終呢單案 陳茂波 會唔會打贏。特別 陳茂波 喺一單民事案件中死撐都可謂表現極品,依家唔係傳媒誹謗案件,私人嘅誹謗案件,一般律師會勸當事人和解,因為隨時律師費以天文數字計,而且十分之唔值,只不過,雙方搞咗咁耐都唔和解,案件又唔涉及乜嘢公眾利益,隨時只係兩家人之間嘅風波,究竟 陳茂波 係乜嘢極品人士,大家諗吓喇,案情最終贏輸唔知,因為隨時又上終審法院,但喺公眾支持上, 陳茂波 一定係輸清光嘅。

發表迴響

你的電子郵件位址並不會被公開。 必要欄位標記為 *