北大嶼山-min

北大嶼山 炒車特首困車龍

北大嶼山 高速公路,近排都好多事,青嶼幹線車龍唔在講,依家 北大嶼山 炒車炒鑊甘,炒到林鄭月娥座駕都一併困喺車龍之中,依家幾好,等佢可以親身感受一吓, 北大嶼山 高速公路嘅承受能力,警察嘅執法質素,同埋香港人每日被啲膠司機,膠的士玩到有幾慘。

北大嶼山 高速公路承受唔起咁多車

首先, 林鄭月娥 喺車龍期間,應該知道,香港啲膠的士司機嘅駕駛水平,你估昨日愛膚堅電視廣告都無咁誇嘅意外係流㗎。香港的士司機牌費問題唔解決,香港市民睇嚟都有排有得震無得瞓,高速公路炒車當食飯,如果佢繼續依家嘅的士政策,我相信唔好話 4車串燒,8車串燒都會有,唔好講笑。當然,香港一堆跟車太貼嘅膠司機,本身都係相當嚴重嘅問題,但的士司機明顯似道路炸彈多啲。

跟住,係 北大嶼山 高速公路嘅承受能力,都係多謝陳佐洱條仆街,受制於青馬大橋,其實 北大嶼山 高速公路擴建都無用,除非起多條輔助青馬大橋嘅道路,所以呢,我話港珠澳大橋唔通好過通,大家諗吓一旦港珠澳大橋通車,唔好話冚橋, 北大嶼山 高速公路嚟單類似嘅炒車事件,啲車由香港塞到去澳門或珠海,都咪話唔壯觀,仲未計依家 北大嶼山 各城鎮嘅發展計劃。依家香港需要唔係港珠澳大橋,唔係高鐵,而係第四條海底隧道貫通港九,加上第二條青馬大橋之類嘅幹線公路,解決大嶼山同市區之間交通問題,都係果句,你估啲人好想揸車呀,依家係鐵路擴張唔到,北大嶼山高速公路擴建都無用,一嚟困獸鬥就人人有份永不落空,大家都知,香港嘅膠司機問題,唔會一夜之間解決到。

香港啲高官有個問題,就係以為生活夠離地,香港城市各類問題好似唔關佢事咁,事實係,當香港人口過度膨脹,而基建又亂起一通,幾離地都會受害,除非唔住喺香港,兼且日常經濟活動同香港無關,有時候,害人終害己咪係呢樣嘢,如果香港啲官繼續不顧後果咁亂嚟,最終結果好大機會係自作自受,呢次林鄭月娥座駕受困車龍之中,只不過係預警嚟,如果一切唔改,係堅離地都好,最終都係落地果一吓中左招兼無人可憐果隻。

發表迴響

你的電子郵件位址並不會被公開。 必要欄位標記為 *