自己搵嚟膠

歐洲議會宣布,向胡佳頒人權獎,我作為歐洲公民,當然支持呢項決定。

中國外交部聽到歐洲議會嘅宣布,就暴跳如雷,話胡佳係罪犯,乜乜物物。當然暴跳如雷,胡佳只不過係一個關注弱勢社群嘅文弱書生,你班野蠻又無腦嘅共產黨官僚聽到佢嘅言論,唔理佢仔細老婆嫩,就又拉又鎖,屈佢顛覆國家政權。歐洲人最睇唔起呢挺凶暴政權,特別東歐受過共產黨統治果啲國家,所以歐盟話之你,頒個人權獎摑共產黨一大巴。

特別呢個獎嘅名,就係沙哈羅夫人權獎,沙哈羅夫係蘇聯氫彈之父,亦係蘇聯捍衛人權鬥士,佢喺1975年得到諾貝爾和平獎。呢個獎明顯係針對中共呢挺馬列主義獨裁政權,如果我係中國政府發言人,自己收聲算喇,唔知個獎嘅起源喺度發膠音,咪令自己膠上膠。

所以我話,外交部秦剛係自己搵嚟膠。放咗胡佳,就唔會膠,話胡佳係罪犯嘅,全歐洲人咪繼續鄙視中國。

5 thoughts on “自己搵嚟膠

  1. 其實胡佳所做既野有咩可以顛覆國家政權, 我睇過wiki, 我唔覺佢有顛覆既企圖, 佢只係叫人關心一下中國的真實社會. 顛覆?共國自己嗡, 又係自己膠出黎

  2. 其實中共真係”笨七”,胡佳(羅)人權獎真係唔算乜野天大新聞,因為依家個個都係煩緊$$。如果中共唔係呱呱叫,呢一單新聞好可以被放係報紙一個唔起眼角位。

    中共依家發老脾,咪等全世界d人都知自己倒瀉屎。

  3. 咁在中華民國政府眼中, 中共一樣觸犯中華民國法律, 咁係咪中共所有與外國的關係, 都係干預中國內政?

發表迴響

你的電子郵件位址並不會被公開。 必要欄位標記為 *