中美貿易戰-習近平-min

中美貿易戰 習近平淆底

雖然五毛打晒飛機,話 中美貿易戰 美國點啱,點輸蝕,但實情係, 中美貿易戰 堅打嘅話,中國淆咗底先,習近平喺博鰲論壇宣布係退讓,包括開放金融市場、增加進口、降低關稅同埋保護知識產權,當然中國人成日得個講字,美國人唔會依家就收貨,但 中美貿易戰 明顯係美國先勝一仗,而唔係中國。

中美貿易戰 中國無條件打

中國突然幾日前宣稱自己打贏貿易戰,我都覺古怪,正常唔會咁,邊有人自稱打勝仗咁膠,但依家就明,呢個係中越戰爭同中印戰爭嘅典型手法,中印戰爭喺戰術勝利後突然退番去麥克馬洪線,因為中國根本戰略上守唔到,而中越戰爭就係中國攻入諒山市區後就退兵,同樣問題,戰略上根本守唔到,咪用戰術勝利去呃鬼民眾,一般唔識軍事嘅人,鬼識乜叫戰略勝利定戰術勝利,經常日本皇軍都係咁樣呃民眾。如果日本人早啲知道真相,或者已經有類似德國女武神行動嘅作反行動,試圖制止啲入侵者賭晒全國人條命嘅黐線事。

習近平知道 中美貿易戰 中國無條件打,大家留意昨日一條消息,就係中國有傳係打算將人民幣貶值去打 中美貿易戰 ,但大家知道人民幣一旦貶值嘅結果,否則點會當初中國不惜一切代價守衛人民幣匯價,當中國出現嚴重自相矛盾嘅打法果陣,就知中國內部根本陣腳大亂,貿易戰係打唔起嚟。而結果係點,大家亦都心知肚明。

依家西方國家更加明白中國係外強中乾,係荷蘭依家個傻仔首相仲走去訪問香港以為有金執,我睇到係特朗普一定要中國實質上保障知識產權,以及真係開放市場至收手,特別依家北韓已經好大機會成為美國盟國果陣,點解特朗普唔可以贏盡啲,特別依家佢喺民意上攞晒彩,除非習近平改變態度,倒轉槍頭同美英一致對付俄國,咁又作別論,但依家中國內部一片親俄聲浪高漲下,我睇唔到習近平有乜理由突然親美打俄。所以 中美貿易戰 習近平淆底,其實反映戰局已定,英美唔係以往咁傻仔由得你中國班友呃佢,一旦中國真係開放金融市場,中國金融虛弱嘅底子表露無遺,一旦支爆只會死得更慘,五毛仲可以打飛機幾耐,呢啲日子大家係有數得計嘅。

發表迴響

你的電子郵件位址並不會被公開。 必要欄位標記為 *