林鄭月娥-BNO-民望淨值

民望淨值 係唔可以靠五毛挽回

中聯辦譚鐵牛,一定十分之迷信, 民望淨值 呢家嘢可以靠fake news去挽回,但最新港大民調話俾大家聽係另一回事,林鄭月娥嘅 民望淨值 首次呈現負數,就證明咗,Fake news同五毛都唔可以將世界嘅嘢由黑變為白。

民望負值 源於劣質管治

我相信周融請五毛刷屏,都用咗唔少錢,點解林鄭月娥嘅 民望淨值 最終得個負字,其實答案好簡單,就係林鄭月娥嘅管治,基本上係繼承梁振英,梁振英嘅管治根本係亂七八糟,特別財政司司長陳茂波,依家大家咪知梁振英對香港構成嘅實質破壞,係佢留低啲人好似核廢料,繼續發放輻射,都未計仆街到無朋友嘅中聯辦後面唔知發啲乜嘢功,基本上,派錢派到膠晒,已經將好多嘢表露無遺,你估搵啲五毛刷屏就有用㗎,無錯,係會影響我嘅廣告收入嘅,但唔會改變香港人對呢個政府係廢柴嘅基本認識。仲未計依家港珠澳大橋,同埋高鐵一鑊泡嘅負面影響,港珠澳大橋管理局繼續狡辯係無用,呢班友其實係等習近平派人收拾,如果呢班仆街唔係習系啲人嘅話。

如果我係林鄭月娥可以點挽回 民望淨值 ,得一個方法,就係香港永久居民身份擁有人都可以派一萬蚊,還富於民,唔好搞啲九唔搭八行政程序,當年曾俊華設計嘅程序好好,照用就得,唔駛多餘嘅嘢,跟住果啲大白象工程停晒佢,炒咗陳茂波,搵個正常啲嘅人去做,以港豬嘅思維,其實要做番 民望淨值 係正數,應該係好容易嘅事,既然周融都開turbo搞亂網絡交通,我都要請大家不如買多幾隻Kaffeeform嘅杯令呢度營運得好啲,係唔係?

但我相信,正路挽救 民望淨值 嘅方法,林鄭月娥政府根本做唔到,唔係佢無能,唔係佢唔想,而係佢後面有幾多既得利益集團喺後面,如果無呢啲吸血鬼集團,以林鄭月娥嘅AO身份,甚至同民主黨嘅淵源,佢駛鬼搞到咁腳手鴨腳,由以前好打得變咗唔打得,所以問題嘅關鍵係中共,係土共,係中聯辦,邊個做特首,如果無辦法鏟除呢三座大山,都只會係代罪羔羊,戴耀廷話林鄭月娥小心變階下囚,呢個都係戰略人睇到嘅常識嚟,唔係乜嘢怪論。

發表迴響

你的電子郵件位址並不會被公開。 必要欄位標記為 *