金正恩-min

金正恩 無核化實際條件得一個:保障金家安全

金正恩 已經通知美國方面,佢堅會同特朗普傾朝鮮半島無核心,當然,佢提出好多條件,例如美國同北韓建交,美國撤出喺朝鮮半島核武等等。但實際上, 金正恩 想要嘅無核化條件只得一個,就係保障金家安全,只要 金正恩 一家安全,佢做美國嘅契弟都仲得。

金正恩 實際要乜嘢

我之前都喺《聯合早報》講過,如果朝鮮半島喺奧地利模式下統一,點只無核化,美國都唔會需要喺朝鮮半島駐軍,基本上,我成套方案擺咗喺度,其實成件事嘅關鍵只得一個,就係金正日家族嘅安全同榮華富貴。而 金正恩 都講得幾揚吓,佢就係要保證安全,至於美國設使館,撤兵呢啲全部可以係煙幕嚟,因為南北韓統一某程度上都會似東西德統一,甚至北韓需要維持主權國家地位一段時間,喺憲政或思維上能夠同大韓民國統一,再用大韓民國名義統一,因為大韓民國唔係西德嘅聯邦體制,本身預留統一嘅空間,而北韓嘅發展水平,就遠遠唔及東德。北韓呢個國家一夜消失,結果只會得個膠字,睇過《南北韓統一必亡》呢本書,一定會明白發生乜事。

金正恩 如果要保住權力,佢唔需要同美國人討論保障佢嘅安全,但如果 金正恩 準備棄國,然後北韓變成一個南韓嘅「傀儡國」再步向統一,咁呢個問題必須討論,因為 金正恩 都應該收到風中國會想殺咗佢,如果唔係佢仲有核武喺手,我相信佢訪問習近平之行,一早被習大帝碎屍萬段,依家北韓嘅核武,唔係用嚟防美國,而係防中國, 金正恩 呢個奇怪要求,解釋咗呢條友實際想要乜。 金正恩 已經做咗決定,就係佢自己都做埋脫北者,但如果佢無核武喺手,我相信佢一早會人間蒸發,美國要同 金正恩 實際要傾,係 金正恩 如何安全而體面離開北韓,就算 金正恩 日後長居瑞士,我相信都要瑞士政府以及美國政府共同嚴密保護佢,直至支爆為止,因為中國一定唔會放過呢啲叛徒,中國當北韓係一個緩衝區咁用,其實 金正恩 已經好清楚,亦忍咗好耐,呢個決定相信佢係深思熟慮過。

總之未來幾個月好戲連場,台灣、北韓全部都會點著中國呢個黐線國家,你以為仲有太平日子?我覺得香港人真係太天真。

One thought on “金正恩 無核化實際條件得一個:保障金家安全

發表迴響

你的電子郵件位址並不會被公開。 必要欄位標記為 *