櫻花-min

當你知道中國遊客嘅質素,就唔敢介紹睇 櫻花 好地方

四月係賞櫻好時節,其實要睇 櫻花 唔只係日本,因為 櫻花 好多國家都有,例如近年啲人去韓國同美國華府睇 櫻花 ,都係一個好例子。而且唔同地方嘅 櫻花 同當地景色配合,係有唔同效果。只不過,你諗起中國遊客啲質素,你堅係想推介睇 櫻花 好地方都有啲難度。

保護 櫻花 唔敢公開推介

好似以下呢張相, 櫻花 唔係出現喺日本,亦唔係華府,而係德國西部,呢張係我自己影,但確實地點我費時講

櫻花-min
櫻花-min

點解我唔講,你睇中國人睇 櫻花 ,例牌有人要營造 櫻花 漫天飛舞嘅效果,有人爬上樹上面摧花,大佬,你自己影咗,人地唔駛睇喇,呢啲恐怖行為係好多人依家想寫啲真嘅旅遊指南都要諗過嘅原因,因為中國遊客嘅破壞景點能力太強,依家去日本欣賞 櫻花 都怕被中國人破壞興緻,難得德國嘅 櫻花 生氣勃勃,唔只有鴨、有鵝,仲要有蜜蜂,俾你班中國遊客嚟咗仲有渣剩嘅。所以我連呢張相影嘅確實地點都費時講,就係唔想中國遊客嚟,信得過嘅讀者或者可以PM問吓我,就中國讀者就一律免問,我係唔會答。

由奈良嘅鹿被激嬲,到依家 櫻花 被人摧殘,唔理中國定日本嘅 櫻花 都會有缺德嘅中國遊客搞到件事膠晒,寫旅遊指南唔單只唔係一件賞心樂事,而且變成咗一個負累,見到靚景,梗係想多啲人去欣賞,但你知道有啲乜人會入嚟果陣,寫旅遊指南就好有心理負擔,甚至怕自己一手摧殘靚景。正如依家好多人都唔敢寫旅遊食經,都係同一個原因,一旦被中國遊客見到,你根本無機會入到去食,咁就無謂喇。就算成堆香港人一窩蜂咁去,成件事都唔好受喇。

依家中國遊客,應該係全世界最得人驚嘅一群人,有啲事並唔係國籍或種族偏見,而係你班友自己搞出嚟,點解依家中國有個別遊客有極高消費力,都無人想尊重佢地,其實原因都係咁,賺錢有好多種方法,全世界啲人唔一定為咗賺你啲錢做你嘅契弟嘛。乜嘢時候可以大家可以正正經經寫番旅遊評論,我諗可能要一兩百年後,要提高中國遊客嘅質素,同建設民主中國一樣咁有難度,因為問題都係一樣,其實就係人嘅問題,呢個問題根本係無解嘅。

發表迴響

你的電子郵件位址並不會被公開。 必要欄位標記為 *