TUV-升降機-min

德國 升降機 係點樣做檢查保養

頭先有講香港 升降機 嘅胡鬧嘢,我呢度,就再補充講吓,德國 升降機 嘅檢查保養嘅制度,呢樣嘢,我覺得係比較值得香港去學習,特別舊樓唔應該成日要成部 升降機 換,每次大維修果陣被啲圍標佬斬到一頸都係血,呢樣好無謂。

升降機 獨立檢查同升級

先講 升降機 嘅檢查,大家見一吓以下相片嘅情況,就明發生緊乜嘢事

TUV-升降機-min
TUV-升降機-min

德國每部 升降機 ,都有標明建造年份(Baujahr),同埋一張每年都換嘅TUV貼紙,呢張貼紙會標明由邊一間TUV公司做檢查,同埋下一次檢查係幾時,而TUV係同你座大廈嘅電梯維修公司,同電梯建造商無關係,因為佢係一個獨立組織嚟,所以就可以確保你部電梯係有獨立公正人檢查下係安全,同埋變相監察維修公司表現,因為間維修公司嘅表現太差,基本上係呃唔到TUV班友,呢個亦係一部1959年,內籠無點改過嘅電梯,仍然可以安全運作嘅原因。如果無必要,係無理由隔n年就要改過晒電梯嘅內部,香港嘅 升降機 保養水平係乜嘢水平,大家自己諗。

喺德國,唔會換電梯嘅內籠,但唔代表 升降機 本身唔會與時並進,當然,門果啲可能未必升級到,但 升降機 摩打,或者裝設電腦,一旦有事可以直接聯絡中央控制室呢啲升級,大部分 升降機 都有做,特別 升降機 本身用電勁,作為業主梗係想慳電費,所以係唔會介意升級摩打同控制系統。所以1959年投入服務嘅 升降機 ,喺德國嘅水平唔會差過其他電梯太多。但香港?你睇吓啲唐樓嘅電梯,班友係唔係都話無零件乜乜物物,其實就係想呃你換成部電梯,因為果度至搵到大錢,但香港啲業主立案法團啲人嘅水平,你真係識條鐵,好多無謂嘅電梯重建工程,就係故意爛到唔爛嘅保養維修,以及無知嘅業主立案法團搞出嚟。

當然,德國有無啲退聯扶手梯﹐唔係無,不過最常唔係見諸於私人樓宇,反而係政府設施會見得多啲,例如U-Bahn車站,或德鐵一啲比較細嘅車站,就會有怪嘢發生,只不過,果啲往往涉及一啲人為破壞嘅問題,或者德國地方政府官僚效率問題,果啲另一回事。香港係,依家連 升降機 都管唔掂,呢個就係香港現況。

發表迴響

你的電子郵件位址並不會被公開。 必要欄位標記為 *