德國恐襲-min

德國恐襲 :最左膠州之一都中招

好少我寫德國新聞快過一般中文傳媒,但呢次例外, 德國恐襲 有可能我係第一個中文傳媒講出嚟,喺Nordrhein-Westfalen州(呢度用NRW)嘅Münster市發生有私家車喺舊城區(Altstadt)衝向一間餐廳喺露天地區食嘢嘅人群,依家成文為止3死50人傷,仲可能有更多死傷數字,疑犯據消息已經死咗,依家NRW州警察呼籲公眾,如果無必要,唔好喺Münster市中心逗留,以免阻礙救援工作。而Münster同我住果個城市,係屬於同一個州份嚟。所以呢次 德國恐襲 ,我最好由當地人身份講呢件事,因為我怕咗新華社果啲垃圾稿,而香港啲傳媒,又會用新華社啲垃圾稿,有時我真係火滾。

德國恐襲 喺左膠市左膠州

我唔知呢次恐怖分子嘅身份,但呢次竟然喺一個最左膠嘅州份之一,最左膠嘅城市發動恐襲,我只能講係不知死活。 Nordrhein-Westfalen係其中一個AfD不受歡迎嘅州份,Duisburg可以為一個移民被遣返嘅問題,同聯邦政府開片,最後全市歡迎果位移民揸簽證返德國,而Münster直頭係AfD得票最低嘅城市,Ruhr區多個大城市,係SPD票倉,照計唔應該有呢類恐襲,但結果 德國恐襲 喺一個最對移民同難民抱歡迎態度嘅地區發生,所以唔少中東移民或難民神憎鬼厭,其實唔係無解,我唔知疑凶係唔係確實係中東人,將一定會對當地居民對難民嘅態度有影響,畢竟呢種恩將仇報嘅行為,係好多人都感覺十分之唔好受。

點解NRW州警察勸啲民眾唔好去事發地區,因為呢個州啲人,有極之唔怕死嘅性格,就係去犯罪現場食花生,最離譜果鋪喺1988年Glenbeck脅持事件,班匪徒車輛喺古隆市中心出現,班友持槍,成棚記者連古隆市中心嘅民眾唔怕有槍走去食花生,呢個州啲友仔有呢種「勇武」傳統,警察係有必要勸啲人咪做花生友阻住救援。

當然恐怖分子揀今日係計到準,因為今日係德國NRW今年第一個好太陽兼有20度以上嘅日子,個個一定出嚟旅遊區享受陽光,結果有單咁嘅事件,所以恐怖分子係絕不可放過,咪以為恐怖分子唔關你事。

發表迴響

你的電子郵件位址並不會被公開。 必要欄位標記為 *