鄭南榕-min

由 鄭南榕 睇香港民主

我生日嘅日子,由1989年開始,都係一位台灣英雄嘅忌日,呢位台灣英雄我要講吓,就係 鄭南榕 ,佢喺台灣民主化之前,為爭取百分百言論自由而自焚,當時胡耀邦未死,當然無諗過因為1989年北京大屠殺,不久李登輝喺野百合學運中支持學生立場,台灣步向民主。(更估唔到李登輝今日直頭提出公投制憲)。但 鄭南榕 嘅犧牲係不可抹殺,而香港人喺好多方面,要明白點解仲未有民主。

如果 鄭南榕 喺香港

當然台灣轉型正義係未做完,當年 鄭南榕 嘅凶手候友宜仲好意思選新北市市長,證明國民黨成班都係仆街嚟。但如果 鄭南榕 喺香港,佢自焚有無意義,我恐怕無,一大堆以為奉迎政權就無問題嘅香港人,依家連戴耀廷同黃台仰都唔敢撐,你覺得 鄭南榕 呢種人喺香港有乜下場,呢個亦係周末革命家充斥嘅香港嘅問題,個個都話爭民主自由,但好多喺西方社會正常嘅鬥爭手段,就附和政權,唔係好似葉寶琳呢啲仆街「對準政權」(對準佢老母就有),就係好似健吾、劉正呢啲仆街咁,暗中幫政權,自稱激進果啲,由左膠到焦土,就越奉迎政權,所以香港唔配,亦唔會有一個類似 鄭南榕 咁嘅人,因為香港嘅所謂激進陣營,都充滿一大堆A貨,同埋smart axx。

所以由 鄭南榕 睇香港民主,除咗英國人返嚟收拾殘局,兼且要喺英國治下學習多幾十年,至可能有比較完整嘅民主,一如德國都要經歷英、法、美佔領時期,做好去納粹化工作,或者日本果種,直頭美國佬將成個自由民權運動嘅主張塞入日本國憲法,日本至有今日相對完整嘅民主。香港問題係,太多扮激嘅嘴炮,將啲事搞到膠晒,左膠成日講歐美左翼嘢,但歐美左翼嘅激進抗爭手段從來唔敢用嚟對付共產黨呢個已經變咗國家社會主義嘅怪物,而啲焦土派成日都講台灣㗎,但台灣果啲事,佢知幾多,佢地敢實行咩,都未計呢班仆街嘅老祖宗,根本係國民黨啲人,果條友,我依家連開名都不屑喇,大家都知果條仆街係乜水喇。

當然,我都唔想搞到香港民主要靠大量流血嚟換取,畢竟,呢啲精英人才嘅損失,其實係好難彌補返嚟,生命就係生命,能夠唔流血最好。

One thought on “由 鄭南榕 睇香港民主

發表迴響

你的電子郵件位址並不會被公開。 必要欄位標記為 *