馬哈迪-min-2

馬哈迪 披公正黨旗出戰:馬基維利主義者應有之義

呢次馬來西亞大選,可以講係1963年新馬合邦公投以嚟最大嘅政治賭注,納吉茅招盡出,但 馬哈迪 呢位李登輝、小泉純一郎後亞洲最強悍馬基維利主義者,做出一項香港目光淺窄嘅焦土派同左膠都唔會做嘅事,就係 馬哈迪 披上公正黨藍眼黨徽上陣,馬哈迪、安華、林吉祥喺一同旗下為馬來西亞嘅未來作出最後嘅作戰。

馬哈迪 嘅實用主義為咗乜

馬哈迪舉藍眼旗出戰,其實係極唔容易,當年安華被捕,安華被打到出黑眼圈,而公正黨黨徵藍眼就咁嚟,大家諗吓一個諷刺 馬哈迪 嘅黨徵,馬哈迪今日主動舉起呢枝旗出戰,呢個絕不容易。當然, 馬哈迪 走出呢步,一方面佢係李登輝,小泉純一郎果種為國可以孤注一擲,不理個人面子嘅人,另一方面, 馬哈迪 都係要睇到公正黨甚至民主行動黨都係願意可以同樣走呢一步至得,由丘光耀講「捉住眼前 馬哈迪 」論,到今日,民主行動黨同樣舉起藍眼旗出戰,大家可以睇到,馬來西亞幾位馬基維利主義者正盡最大努力挽救國家,力挽狂瀾,你睇吓香港果班焦土派、左膠,喺曾俊華果一役嘅表現,或唐英年同梁振英一戰嘅表現,你就明點解馬來西亞仲可能有得救,香港就不得不等英國人返嚟救,因為玩政治嘅道行,以至選民嘅心理準備都差太遠。南洋既出過李光耀,亦出到 馬哈迪 ,你估純粹運氣,玩政治嘅道行係需要培養,同埋汲取過教訓至得,香港成班友,包括焦土派都唔知死字點寫。

馬基維利 嘅名義大家知係The Prince(君王論),果本書大家以為係搞政治係為求目的不擇手段,但大家唔記得同一作者另一本書叫Discourse,一個理想共和主義政府係點建立。君王論上面嘅諸如手段嘅前提,其實係一種奉獻精神,為咗國家,係有時可以犧牲所謂嘅心理負擔,呢個就係馬來西亞同香港嘅分別,香港人玩政治,仲係幼稚園。所以如果你以為君王論就係搵幾個屎片醫生,誤導公眾就叫君王論,呢樣嘢真係大錯特錯,君王論後面,仍然係為咗建立更好嘅政治,最大程度上以戰略為先嘅哲學,君王論並唔係政治化妝術,係你死我亡嘅時候嘅指導方針。

發表迴響

你的電子郵件位址並不會被公開。 必要欄位標記為 *