王志民-min

唔識歷史嘅 王志民

自1989年北京大屠殺以嚟,中國派嚟嘅駐港官員,個個都寧左勿右,水準好鬼低。如果你認為張曉明水準好低,咁其實低處未見低,好似 王志民 咁,反對中國共產黨領導等於反對一國兩制,呢啲言論證明佢根本唔識香港歷史,香港唔獨立就有鬼。

王志民 知唔知乜叫大逃港

其實銀英傳裡面嘅自由惑星聯盟,最適合形容果個係香港,銀英傳係逃出銀河帝國獨裁統治嘅人自製太空船,經過險難逃到巴拉特行星建國,其實香港有啲似,大批唔想受中共統治嘅難民嚟到呢個英國殖民地,香港可能係人類歷史最大一個,亦係最繁榮嘅難民營之一。所以反對一黨專政,甚至反對共產黨本身,係香港人基因嘅一部分,呢個亦係本來用喺台灣嘅一國兩制,先用喺香港嘅原因,香港成功,同樣有大量流住反共嘅血嘅台灣,至有可能和平統一,呢個係鄧小平當年嘅盤算。當然,無人諗到後來咁多台灣國民黨員為咗自己嘅榮華富貴投共,一啲捍衛自由嘅鬥志都無,反之,香港有唔少人,仍然保有呢種鬥志,所以香港至今仍然保存一定自由。

王志民 如果明白呢段歷史,就知道,就算係做戲,都要容許高叫結束一黨專政,甚至要鼓勵一啲人高叫結束一黨專政後面嘅口號,即係建設民主中國,因為如果黨國不分維持越耐,香港人漸漸認識到黨國不分嘅現實,香港人自然就會支持港獨,即係台灣人發現好多認同中國嘅台灣人,或逃到台灣嘅人,根本唔係認同民主,要建設民主國家就必須主張台獨,就係咁樣開始。只不過,依家嘅共產黨官員質素就係低,所以基本上, 王志民 已經將佢嘅底牌露出嚟,既然反對一黨專政都唔得,咁不如乾脆要求香港獨立或香港歸英比較實際。

至於譚耀宗呢啲太監,基本上唔駛同佢辯論,譚耀宗不如期望香港同中國和平分家,佢或者可以保住條命和平安享晚年,一旦港中之間涉及武力分家,輕則坐監,重則碎屍萬段,呢點我唔係講笑,日日睇你班土共表演,積積埋埋啲仇恨係可以好勁,一旦有機會爆出嚟,可能未被法院審訊就已經死咗,當然,土共就係唔明白大形勢,有風駛盡,佢地橫屍街頭應喺意料之內。

發表迴響

你的電子郵件位址並不會被公開。 必要欄位標記為 *