馬來西亞大選-min

馬來西亞大選 納吉得罪蘇丹

馬來西亞大選 終於要嚟,首相納吉喺4月6日呢個禮拜五求見蘇丹,要求頒令解散國會,當然,照例都係批准咗。但納吉呢種喺禮拜五求見蘇丹嘅舉行,絕對係得罪一眾馬來統治者, 馬來西亞大選 係一開始已經有人當蘇丹無到,好戲連場。

納吉唔可以禮拜五求見蘇丹

喺回教國家,禮拜五係安息日,大家都知安息日係唔可以嘢,至少唔可以打擾回教徒,以前喺印尼,你試吓禮拜五打擾虔誠信回教嘅人,唔理華人定印尼人,結果都係會感到十分之唔高興。所以納吉要見蘇丹解散國會,舉行 馬來西亞大選 ,一係明天先做,一係昨日黃昏就要做,無理由要蘇丹遷就你巫統明天公布政綱,呢種近乎係當皇族無到,大家要留意,馬來西亞嘅宗教領袖係由蘇丹所兼任,宗教問題係蘇丹嘅事權,所以蘇丹亦有責任以身作則,守安息日回教嘅一切禮數。

你話各馬來統治者高唔高興納吉嘅統治,一定唔會高興,否則柔佛等各州蘇丹唔會咁多動作,同納吉政府嘅磨擦越嚟越多,首相納吉以為佢用茅招攞到首相之位,就可以為所欲為,點玩都得,甚至某啲方面仲惡過馬來統治者。有皇族血統嘅東姑拉曼,以及管治時期成績最好嘅馬哈迪醫生,都唔敢當蘇丹無到喇,甚至強如李光耀,佢擔任新加坡州嘅首相果陣,都係尊重新加坡嘅馬來統治者,所以納吉呢鋪得罪蘇丹,馬來人無可能無睇法,更何況依家馬來人係有馬哈迪醫生可以揀,以及馬來人由檳城嘅統治成績明白,華人主政政府唔代表馬來人受歧視,相反,只要管治得當,馬來人嘅生活同地位仲可以提升,講嚟講去,都係唯才是用最實際。

其實納吉唔係唔知佢咁當蘇丹無到,係會有代價,畢竟馬來西亞各州蘇丹宣布獨立,係無人可以吹得佢漲,因為唔計檳城同馬六甲,其實各州本來就係獨立國家,各州主權實際係屬於蘇丹,而唔係所謂聯邦政府,馬來西亞聯邦畢竟係反抗中共入侵而締結嘅聯體,如果依家納吉做緊中共嘅代表侵蝕馬來人權益,點解要俾呢件中國走狗攞住聯邦政府個朵玩落去,呢個亦係所謂馬爆嘅根本根源,納吉引狼入室,兼囂張無禮,咁點解蘇丹仲要忍?

發表迴響

你的電子郵件位址並不會被公開。 必要欄位標記為 *