GDPR

歐盟 GDPR 全香港變相受規管:BNO/BC/葡國公民搞出嚟嘅結果

全香港人都知,歐盟嘅排氣標準基本上近乎香港法律一部分,乜嘢Euro 6果啲嘢,巴膠都知係乜。只不過,歐盟 GDPR 喺下月實施,不單歐洲公司頭痕,理論上,全香港人都要守呢條法例咁滯,私隱專員公署發出小冊子教人守呢條例,因為以香港奇怪嘅人口結構,呢條法例庶近係香港法律一部分。

GDPR 點解搞到香港人人要守

GDPR 全名係 General Data Protection Regulation, 2016/679/EU,呢條指引取代過往歐盟所有類似regulations,最得人驚一點係,如果你服務EU data subject,就即時係呢條法律嘅規管範圍,咁基本上,如果你會服務British Citizen或葡國公民,已經係中梗 GDPR ,而歐盟公民定義係包埋BNO(反而BOC,無英國居留權嘅BS同BPP唔包,理由我唔詳述,而Isle of Man, Channel Islands BC唔包,只不過BOTC係暗BC所以實包),大家諗吓有乜事會發生。
而GDPR之下,以下人士一定係 GDPR 管轄

  1. British Citizen 及其行駛咗居歐權嘅家屬,家屬可以唔係歐盟國籍
  2. BNO 及其行駛咗居歐權嘅家屬,家屬可以唔係歐盟國籍
  3. 葡國公民及其行駛咗居歐權嘅家屬,家屬可以唔係歐盟國籍
  4. 其他歐盟公民,以及有行駛咗居歐權嘅家屬,家屬可以唔係歐盟國籍
  5. 有歐盟地區戶籍登記人士
  6. 持有有效嘅歐盟國家簽證,並已行使居留權利當中

因為呢條例英國有份喺BREXIT前,所以唔理BREXIT與否,佢都會係英國法律一部分,而行駛咗居歐權啲人,更加唔關事,所以大家諗吓喇。

你話唔係 GDPR 全香港變相受規管,咪玩喇。如果上述人士有乜私隱上嘅問題,佢地唔係搵你香港私隱專員公署,而係搵European Commission,屆時你班友被人罰到跳海都唔得掂,隨時香港政府都被人玩到陀陀令。而香港有幾多BC, BNO, 葡國公民等等人等周街走,大家自己諗吓。

所以Facebook死梗,如果WeChat果啲亂嚟,搵人去歐盟告到騰訊爆倉,我舉腳支持添。歐盟嘅法律,會越嚟越玩呢家域外法權,所以唔好當歐盟公民呢家嘢唔關香港人事,依家實際係關緊事。

發表迴響

你的電子郵件位址並不會被公開。 必要欄位標記為 *