大公報-恐怖分子-min

大公報 乜有資格講新聞自由?

喺戴耀廷指責 大公報 班友根本係洗頭艇集團啲人嘅時候,一直唔敢應機,去到清明節清晨至出聲明,話 戴耀廷 講法係賊喊捉賊,自製白色恐怖,諸如此類。 大公報 似乎仲未柒夠,我唔想用呢個字都唔得,我本來想寫吓金文泰中學嘅共產黨活動,都要改寫呢個先。

大公報 係邊撚個領導㗎

香港另一位中共黨史權威,甚至係少數仍然在生土共史權威梁慕嫻,不斷指出中聯辦同中共港澳工委係一個機構兩塊牌子嘅關係,即係中聯辦實際就係中共港澳工委,而中共港澳工委本身就係一個恐怖組織,1967年嘅暴動,就係呢個實質地下機構所策動。而 大公報 係中共港澳工委領導下嘅機構,點解 戴耀廷 唔可以懷疑 大公報 班友根本係強力部門啲人,懷疑 大公報 呢班仆街係恐怖分子都仲得,1967年嘅暴動之中, 大公報 中人有幾多參與過恐怖活動嘅宣傳煽動活動,大家心知肚明,而基本上,中共港澳工委未有受過後文革嘅清算,佢地嘅思維同文化仍然保留1967年嘅狀態,所以戴耀廷唔係自製白色恐怖,佢嘅恐懼,係有理由嘅。

所以如果你有 大公報 文匯報 嘅記者嘅Whatsapp 或者咭片,不妨提供俾我,用以存檔同研究。大家要留意一樣嘢,唔少 文匯報 或 大公報 嘅記者,係黨特意栽培嘅人,你必須加以留意,好似喺周浩鼎同梁振英打龍通事件之中,搞出一鑊粥嘅特首辦特別助理邱萍菲,佢就係黨嘅人,佢喺福建中學轉嚟金文泰中學果陣,我已經知佢係黨指派嚟入金文泰讀書,中大畢業後入文匯報,然後扶搖直上,咁你覺得文匯報同 大公報 果啲人,唔係黨嘅人,又係乜嘢人,如果 大公報 炒晒啲中共黨員,唔再係中共港澳工委領導,恢復 大公報 喺1920年代天津果陣嘅獨立辦報精神,啲人仲會信你啫,依家,你呢班地下黨仲學人講言論自由?如果唔係中共同英國當年有密約,一早好似新加坡咁樣鏟起晒啲中共控制報紙,仲講乜叉言論自由?

所以真正賊喊捉賊四個字,留番俾 大公報 同文匯報記者,泛民應該喺收咗記者咭片後,一律拒絕文匯報同 大公報 記者訪問,直至中共倒台為止,至係正確嘅做法。

發表迴響

你的電子郵件位址並不會被公開。 必要欄位標記為 *