納吉-min

納吉 嘅仆街生意我們唔做

阿水都知,馬來西亞首相 納吉 應該今日或明天解散國會,月底大選。呢次大選, 納吉 嘅手段污糟唔駛講,銀彈攻勢一定有,連我呢個德國為總部嘅網站,都收到 納吉 嘅廣告,就可以見到呢次 納吉 真係不惜一切,只要佢保住佢嘅權力就得。

納吉 嘅廣告我們唔要

雖然呢度需要錢嚟營運,但有啲廣告我們唔收,我寧願賣多啲文,或者賣多幾隻杯好過,呢個政策,唔單只適用喺香港,亦同樣適合喺南洋。Google Adsense可以容許出版人唔要某啲廣告,除咗果啲垃圾五毛廣告,香港航空、香港快運、阿里巴巴、京東、中原地產、中國移動、中國聯通,以及親共政黨嘅廣告一律係封鎖。同樣,由今日開始,納吉同國陣有關嘅廣告一律封鎖,以示呢度對馬來西亞變天嘅支持, 納吉 少一個廣告,就少一個機會俾佢條友呃到票,呢個係我嘅原則。

當然,有可能 納吉 俾嘅錢係好多嘅,但 納吉 啲錢邊度嚟至得,又係馬來西亞民眾嘅血汗,同埋賺得果雞碎咁多,但後果可以好嚴重,咁點解我要賺先,所以,任何讀者發現國陣嘅廣告,都可以screen capture俾我,然後我立即封鎖,呢方面,我唔打算客氣。

呢個亦係未來呢個月,完成domain由Godaddy轉到NameCheap之後,之後月費網站,同修理過嘅shop.martinoei.com都會啟用嘅原因,當然大家可以買吓Kaffeeform嘅杯(我大馬都送貨嘅),但廣告面對嘅問題,除咗啲五毛垃圾網站,亂買domain狂霸廣告位,令網站擁有人疲於奔命外(我依家每日至少用一個鐘去審批廣告,你明點解我咁想鏟起啲五毛嘅原因),另一方面,就係 納吉 呢啲人渣廣告嘅錢唔賺,咁廣告少咗都要有其他收入,所以可以買嘢(德國其他嘢都得),可以支持月費,甚至馬來西亞大選期間,如果選舉法例容許,你想喺度落廣告,唔經Google或Yahoo!都可以直接搵我本人。

其實作為網站主管,係要有啲骨氣,有啲廣告係可以控制能力範圍內,唔接就唔接,因為你收咗呢啲廣告錢,其實係做咗幫凶。

發表迴響

你的電子郵件位址並不會被公開。 必要欄位標記為 *