高鐵出軌-min-高鐵

高鐵出軌 :山寨高鐵唔好通車嘞

港鐵通報 高鐵出軌 事件,仲好意思講乜嘢偏離路軌,出軌就出軌,路軌呢家嘢,係無偏離空間,咪當全世界傻至得。只不過, 高鐵出軌 亦反映咗中國山寨高鐵技術根本有嚴重問題,特別係訊號系統,除非問日本或德國買過原裝訊號系統等一切嘅嘢,否則我建議山寨高鐵執咗佢。將直通車改行高鐵路軌就算。

高鐵出軌 反映乜問題

依家香港用緊嘅CRH380A,係日本新幹線E2嘅山寨版,你見過東北新幹線用E2車會出事未?依家有兩樣嘢可以解釋,一係Hollysys (定Holly Shxt) 和利時嘅訊號系統出問題,上次炒車都無改善過,CBTC唔係你班中國人識玩,一係成個高鐵連接香港同中國部分,用番日本原裝嘅Digital ATC,一係買歐洲用嘅CBTC系統,否則依家 高鐵出軌 得,即係真係營運果陣會堅炒粉,咁唔該你班達官貴人日日坐高鐵上去,正常人就根本唔會坐高鐵攞條命靠飛。和利時啲仆街嘢,一早死過人都仲要用,呢啲堅係唔負責任,完全係無眼睇到爆。

另一個 高鐵出軌 可能性係中國用啲零件係有問題,無錯,成個高鐵嘅車,鋼鐵部門係日本神戶製鋼所嘅日本貨,但列車軸承果啲嘢邊個做,我堅係識條鐵,呢啲部分或者路軌是但一面有問題,都會炒粉收場,咁都係唔好玩喇。喺呢單 高鐵出軌 嘅事件未搞清楚點搞之後,根本一地兩檢係唔駛傾,直頭擱置會議,浪費時間開會做乜,你認為中國嘅工程質素,特別和利時公司果啲咁嘅態度,可以一時三刻解決到問題,我覺得呢樣嘢堅係太傻太天真,完全係無視中國一貫工程上嘅問題。

講真,如果堅有心要做到乜嘢珠三角一日都市區,駛鬼高鐵咩,基本上中國啲鐵路唔好用埋啲山寨訊號系統,老老實實用Thales SelTrac CBTC 之類嘅訊號系統,再買架TALENT之類嘅車,喺錦上路起車站,喺德國隨便一架Regio Express級別嘅火車,都係可以飛到120公里甚至更快,一樣一個鐘內去到晒珠三角地區之類。依家講嚟講去,同港珠澳大橋一樣,都係貪污兼政治上搏懵嘅大白象工程。

3 thoughts on “高鐵出軌 :山寨高鐵唔好通車嘞

  1. 其實中國高鐵引入咗歐洲ETCS CBTC並叫做CTCS,CTCS Lv 3就係ETCS Lv 2,信號公司係同Alstom合資。

    不過中國的問題,都係人的問題多啲⋯溫州撞車咪就係人手override咗個CBTC

發表迴響

你的電子郵件位址並不會被公開。 必要欄位標記為 *