戴耀廷-min

蕭思江入稟法院要剝奪 戴耀廷 中國籍,佢認真的嗎?

自 戴耀廷 叫香港人考慮一旦支爆應該點算果陣,竟然成棚牛鬼蛇神出嚟玩文革批鬥,最好笑係蕭思江,入稟法院,要求法院剝奪 戴耀廷 嘅中國國籍。我唔知 戴耀廷 教授有無BNO,我估好大機會有,但如果係咁嘅話,咁香港人會多謝蕭思江,而英國亦無得唔幫BNO平權。

戴耀廷 假如被剝奪中國籍嘅結果

依家唔少人都知,如果 BNO 無其他國家國籍,係會變BC,但成個機制係點嘅呢,有以下呢幾個條件

1. 佢無持有任何其他國籍

2. 佢無以下任何一種作為

a. 主動放棄某國國籍
b. 主動宣布退出某國國籍
c. 自2009年3月起,無因主動作出行動,或不作出任何行動(in-action)而喪失國籍

簡單嚟講,如果一個人非自願喪失中國國籍,果個BNO就會變BC,當然要經申請程序。

蕭思江咁玩法,我唔知法院會點判,定係法院認為有傻人發現案,直頭唔接受申請,兼且要佢繳付堂費。但如果法院接納,仲要真係令 戴耀廷 教授無咗中國國籍,或使用特區護照嘅權利,咁件事好簡單,只要 戴耀廷 攞住個判辭去Home Office,俾手續費,同埋宣誓,就可以攞番本BC。

如果蕭思江嘅講法成例,咁就好玩,喺2018年4月4日之前支持過港獨,參加過佔中呀,撐過 戴耀廷 ,你有證據攞俾Home Office,就可以根據判例去攞番本BC,屆時 戴耀廷 仲唔變香港英雄,佢喺台灣講句嘢,就立即觸動計時炸彈條款,當年Lord Avebury同唔少支持BNO平權嘅人,同英國政府談判果陣(當時係工黨政府),都無諗過件事可以膠到咁極點。

當然,蕭思江有機會被當傻佬,但大家亦都要留意,佢好歹做過十三年律政署嘅檢察官,以及有律師資格,唔係一般平民百姓,無乜理由佢係又入稟,唔係又入稟,大家要記得,劉夢熊喺城市論壇對戰港獨分子果陣,除咗被我一開始用毛澤東湖南獨立論拋咗佢一嘢外,仲有係,當時Danny Chan係攞住本特區護照,問佢可唔可以剝奪佢中國國籍,但劉夢熊唔敢應佢機。呢個係唔少土共嘅諗法,我相信有人係想堅付諸實行都唔奇。

2 thoughts on “蕭思江入稟法院要剝奪 戴耀廷 中國籍,佢認真的嗎?

  1. 根據中國有份簽既國際公約,如果一個人無其他國籍,就不可以剝奪他唯一的國籍,令他變成無國籍人士。當然共產黨仲跟唔跟國際公約係後話。

發表迴響

你的電子郵件位址並不會被公開。 必要欄位標記為 *