大數據-min

香港人準備好 大數據 年代未?

依家好多人爭住講 大數據 ,雖然 大數據 呢家嘢,對我嚟講,其實已經係生活或工作嘅一部分。只不過, 大數據 以及人工智能橫行嘅年代,香港老闆無呢個insight,香港家長一樣無呢個insight,我可以講,以香港人果種短視, 大數據 年代係死硬。

大數據 年代嘅準備

大數據 或人工智能,其實離唔開歷史大勢:數目字管理,呢家嘢係黃仁宇講。當然,依家中國果種 大數據 玩法極唔健康,根本係納粹德國嘅玩法,納粹德國咪買IBM啲打咭電腦,用嚟點算猶太人嘅人口,以及計算猶太人嘅運輸,有系統咁殺人,所以IBM一直被人鬧狼狽為奸。但 大數據 喺呢個電腦化年代,其實一定會行到呢步。你唔用,就會被淘汰。但香港啲人,好多連Excel都未搞掂,啲中坑IT人對世界大勢一無所知,呢啲仆街盤據唔少大公司中高層,香港未來將會係點,我都知係祝你好運。

跟住, 大數據 同人工智能年代,識STEM固然會好,比較容易就業,畢竟依家好多coding都要用人寫。但其實人工智能或 大數據 真正取代唔到嘅,係創意,創作,藝術或創造嘅嘢,唔可能由 大數據 所取代, 大數據 只不過係基於統計學而得出一啲推斷,但人嘅創造性會出現新嘢,新嘢會挑戰統計學所計出嚟嘅嘢,簡單嚟講,統計學本身唔係全知嘅學問嚟。所以,唔係送子女讀藝術果啲會好啲,但依家呢班市儈的香港家長,只係照住DSE Syllabus做人,李國章呢啲人渣係仆街,但家長係唔係一定要跟教育制度呢套去走,我好多時都深表懷疑。美國好多人羡慕果啲大有錢佬,好多嘅成長都唔按牌理出牌,係唔係?

香港呢班友仔,好鍾意見到乜嘢術語時興,就跟住講埋一份,講句衰啲,就係人云亦云亦膚淺,其實同泛民講用 大數據 打仗,一早有人講,但有人唔聽,我都無符嘅。都係果句,有時香港搞成今日咁,有啲嘢係共業嚟,共業嘅來源,就係成個社會或民族嘅問題,香港民族最大挑戰係眼光短淺,古板而缺乏創意,有啲嘢,要學吓荷蘭人果種開放視野,至可能有出路。(當然荷蘭佬果種硬膠,就唔好學)

發表迴響

你的電子郵件位址並不會被公開。 必要欄位標記為 *