休班警-min

休班警 犯法隨時仲衰過真大賊

休班警 犯法呢家嘢,早已經見怪不怪,否則Facebook唔會經常有人喺度估 休班警 同當更警,邊個犯法多啲。只不過,大埔公路一單奪命車禍, 休班警 果種專業犯法嘅行為,就十分之令人震驚。成班友平日受律政司嘅專業妨礙司法公正訓練,用到喺自己犯法身上,你估唔得人驚,香港真係日後兵賊難分,唔係,啲賊都唔夠兼職做賊嘅差佬嚟至啱。

休班警 專業妨礙司法公正?

大埔公路 休班警 撞死鐵騎士嘅車禍,成單嘢最離譜有兩個部分:

  1. 休班警 第一時間將車上嘅車cam消失,呢條友做交通警,一定知必須要裝車cam,但呢條友亦明顯知道車cam就係佢嘅犯罪證據,日後令佢消失,警察喺山度搵,令人懷疑係唔係有人打龍通,因為隨時條友收埋喺啲私人物品度,特別係車cam嘅SD Card,呢個至係關鍵證據,但我睇唔到警方有留意呢樣嘢(定故意唔理,因為官官相衛呢家嘢,喺香港實在太等閒喇。)。
  2. 摵咗警察遊樂會嘅entry permit,擺明掩飾警察身份,呢啲仲唔係條友有意圖咁妨礙司法公正呀?咪玩喇。成件事令人感到最冷血係,條友撞鬼死人,第一件事竟然係做妨礙司法公正嘅事,如果無法告佢,佢仲可以執勤做警察,嘩,仲成世界嘅,屆時香港揸車或過馬路,都係一件十分之玩命嘅事。

呢件事嘅離譜程度,其實可以同旺角警署強姦案相提並論,大家諗吓,警署都可以強姦人,咁你覺得報警仲有用,警察仲係維持治安,定係佢係賊嚟。但上次旺角警署強姦,始終有落charge拉人,未至於完全官官相衛,但呢單大埔公路撞死人案,簡直係香港警察嘅新低點,有人已經用平日用嚟老屈社運分子嘅手段,用嚟作犯罪之用,你話呢班友係唔係勁過黑社會,黑社會都會被人拉,但呢班友係差人,以香港嘅警察投訴機制,唔係引起公憤都唔會檢控嘅,你覺得香港仲安全?咪玩喇,隨時 休班警 勁過真大賊,真係人人變魔警。啲人話徐步高得人驚,徐步高呢條友有大量嘅可討論地方,但依家 休班警 果種冷血,都唔駛點去討論,依家咁嘅警隊,咁嘅政府,香港市民自求多福,啲藍屍繼續幻想佢地活喺理想世界喇。

發表迴響

你的電子郵件位址並不會被公開。 必要欄位標記為 *