強力部門

大公報可視作 強力部門 人員

戴耀廷行蹤竟然被大公報仔細無遺咁報導,令佢表示,懷疑有 強力部門 人員依家跟蹤同監視佢一舉一步。其實熟悉中共黨史,特別地下黨嘅運作方式,都唔會當大公報、文匯報甚至係星島日報記者係一啲正常人類。我甚至認為,大公報中人,可以視為 強力部門 嘅人。

強力部門 偽裝記者係地下黨做法

中共好多做法都係師承蘇聯,而過往,蘇聯派出間諜以記者名義活動,或者喺香港呢啲黨以地下模式運作嘅地方,記者身兼 強力部門 人員一啲都唔奇怪。雖然記者唔可以使用武力,但佢地可以攞住新聞自由嘅招牌去得到佢地想要嘅情報。而且,新聞機構做埋中共黨部嘅嘢,就更加係由來已久,新華社香港分社喺中聯辦成立之前,另一塊招牌就係中共港澳工委,即係中共黨部,你話大公報同文匯報啲人唔係 強力部門 啲人,我都唔會信喇。

當然你知中共一向嘅做事方式,你就明點樣同文匯報、大公報嘅記者相處,佢地嘅WhatsApp同Facebook戶口係必須公諸於眾,而且另一樣嘢都係十分重要,就係如果佢問你收咭片,一定要俾一套「強力部門」專用嘅卡片以保安全,例如張咭片可能只有最簡單嘅gmail聯絡,電話果啲一概唔俾,如果佢地可以用WhatsApp搵到你嘅,就block咗佢先講,免得自己嘅人身安全受威脅,因為呢班唔係記者,係 強力部門 嘅人果陣,你可以視為放蛇行為,咁你點解要俾 強力部門 班友得知你一舉一動。

唔只文匯報、大公報,果啲同中共關係越密切嘅報紙,越唔可以俾佢地掌握到你嘅資料,因為 強力部門 要滲透啲人,係可以不擇手段,俄國普京做得出嘅仆街嘢,中共一樣做得出,甚至唔係技術唔夠,中共可以更加青出於藍,因為呢啲就係共產黨嘅仆街DNA。

所以我認為西方國家政府,無必要再當文匯報、大公報記者係記者,應該拒絕佢地入境,以及任何移民申請,喺海外嘅記者,如果有任何可疑行為,立即驅逐出境,真係同佢地講多道理都嘥氣同嘥時間。依家好清楚,習近平稱帝後,佢以為自己嘅權力同力量係無限制,無底線,乜都得,呢啲就係納粹中國。

發表迴響

你的電子郵件位址並不會被公開。 必要欄位標記為 *