中銀-櫃員機-min

中銀 櫃員機 虧爆:噩夢只係開始

中銀 香港停咗十六個鐘後升級系統,大家以為無事,但 櫃員機 喺第一個working day就見真章,據聞唔少地方 櫃員機 㩒唔到錢,仲有網上理財停晒,呢鋪香港啲經濟活動,真係俾你中銀香港呢劑要同中國本土系統整合嘅事玩死。

櫃員機 網上理財 用番舊系統喇

照計,如果中銀中國本土系統係夠穩定,由於香港人口無中國咁多,照計只係小菜一碟,唔會搞到大炒粉收場。但實情係,本來喺中國本土,中銀嘅 櫃員機 同網上理財系統嘅問題都十分之多,咁香港經濟活動比中國活躍嘅情況下,點可能唔會出事兼炒粉。特別大家要留意一點,香港係好多人炒股,如果網上理財喺交易時段出事,我留名堅睇啲股民幾時去中銀分行門口打爛玻璃,渣打銀行嘅網上銀行膠爆都被人鬧爆,更何況使用人數多,而且好多都係基層市民嘅中銀香港呢。

依家香港承受唔起 櫃員機 同網上理財咁炒法,所以依家唯一解決方案,係4月5日清明假期停機用番舊系統,因為明顯舊系統係無問題,如果無必要,中銀香港同中銀中國就唔好進行任何併網安排,甚至已經賣咗俾中銀香港嘅中銀南洋各地分行,係同中銀香港整合,唔係同中銀中國整合,因為系統唔穩定呢家嘢,本身係無得解嘅,或者咁講,中國programmer嘅水準,係有一段時間都唔會解決到問題。

只不過喺支爆將近,習近平又要打擊中共幹部收埋啲黑錢呢啲大背景下,我睇唔到中銀香港會以客戶利益優先,重新將中銀香港同中銀中國嘅系統分家,咁依家中銀香港嘅存戶,就要作出決定,如果你嘅戶口係成日收錢,好對營運好重要,就要應該儘快換過一間銀行,我個人比較贊同係改用花旗香港嘅系統,因為花旗香港有美國人睇住,而且同中國啲系統整合度十分之低,喺支爆將近嘅時勢,反而會安全,其次係有新加坡政府背景嘅星展銀行,都係一個好選擇嚟。HSBC HK大家都知麻煩,恆生都唔好得好多,所以我有保留,就算我係英國人都好。其他中資銀行,都可能面對相似嘅問題,甚至可能更差,你無理由由一個火坑跳到另一個火坑㗎,係唔係?

發表迴響

你的電子郵件位址並不會被公開。 必要欄位標記為 *