人工島-min-港珠澳大橋

人工島 搞成咁唔該停咗港珠澳大橋工程

蘋果獨家報導,港珠澳大橋 人工島 嘅消波塊竟然大批漂流,令大橋海底隧道部分曝露出嚟,一旦有大浪衝過嚟有乜結果,我真係堅係唔知會發生乜事喇。特別大家懷疑, 人工島 可以搞成咁,係唔係有可能涉及豆腐渣工程嘅問題,所以至搞到一鑊泡。

人工島 消波塊無可能搞成咁

萬宜水庫東岸同樣有大量消波塊,面對太平洋而嚟嘅海浪,但咁多年都無消波塊漂流問題,依家港珠澳大橋嘅 人工島 消波塊竟然可以喺珠江口水道漂流,不可思議,依家得兩個原因解釋消波塊問題,一係消波塊質料有問題,唔合標準所以居然可以漂流,一係就係 人工島 沉降問題,導致消波塊漂流。但無論如何,都反映港珠澳大橋嘅工程質量根本係唔符合標準,甚至隱患不止一處,咁樣嘅話,我對港珠澳大橋能否如斯安全通車十分之懷疑,甚至我懷疑,有可能工程質量太爛,所以成條橋最終係要拆咗佢重建,或者呢個工程要永久擱置。特別呢段係主橋工程,主橋工程係中國負責,如果 人工島 都搞成咁,我相信成條主橋嘅質量,能否抵禦颱風來犯我十分之擔心,港珠澳大橋嘅位置,係颱風喺珠江口登陸果陣其中一個熱門路徑, 人工島 消波塊都可以搞成咁,大家想像吓主橋究竟有無能力去抵禦強勁颱風嘅襲擊喇,呢啲問題我識條鐵。

雖然喺機場附近航拍係有啲牙煙,因為影響飛機升降,但呢次航拍行動係絕對合符公眾利益,因為一旦 人工島 嘅結構同安全有問題,所導致嘅不利結果遠遠嚴重過只係十幾分鐘飛機升降嘅有可能影響,而且呢次嘅情況,當局亦太過無恥。呢種無恥,亦包括唔少傳媒,中國官方傳媒刊登港珠澳大橋 人工島 嘅照片,已經有消波塊漂走嘅問題,但居然無人指出問題或解讀問題,係香港航拍會啲人有人影到指出問題,網民跟進,蘋果日報最終再作確認,跟住至知件事何等大鑊,我只能講,香港傳媒都係一班虧到唔虧嘅友仔,完全發揮唔到監察政府嘅作用,依家香港嘅情況,好可能係要靠人民自己去發現問題。

但可以肯定係,港珠澳大橋好可能係一條死亡之橋,如果你都敢用,我只能用勇氣可嘉嚟形容你囉。

發表迴響

你的電子郵件位址並不會被公開。 必要欄位標記為 *