貿易戰-min

中國打 貿易戰 嘅二仔底

中國終於擬咗 貿易戰 嘅報復清單,只不過,一睇張清單笑咗,大豆同飛機無份,只係豬肉同埋酒類。講真,呢啲咁嘅玩法,證明咗中國嘅二仔底,仲學人打 貿易戰 ,堅係嘥氣,呢份清單,反而更令侵總統以至全世界知道要做乜。

貿易戰 根本打唔起

先講黃豆,對中國嚟講,如果真係對大豆禁運,隨時係七傷拳,打美國唔傷,但打到自己重傷,因為中國大量依賴美國嘅大豆,最終結果隨時係中國嘅農業秩序大亂。而飛機,中國所謂自家技術飛機,都係用美國引擎,仲話制裁,C919乜X嘢嚟,呢次真相大白喇,仲未計,唔少Airbus技術或部件同美國有關或製造,徵收關稅根本都避唔到美國嘢,玩殘自己就有份,所以,中國以為飛機可以打擊美國就業,實際上係無能為力。

跟住,可能影響大啲係美國嘅豬肉製品,我見到簡直笑到收唔到聲,2013年,雙匯國際至收購咗美國Smithfield Foods Inc,即係依家萬洲國際旗下公司,係美國最大豬肉製品公司嚟,中國人公司出口嘢去中國,我唔知有無任何關稅特惠嘞,呢鑊咁玩法我唔知係美國人傷啲,定係你中國人傷啲,唔知中國商務部決定呢份清單之聲,有無研究過近年中國收購咗乜嘢西方國家公司咁,所以侵總統梗係未驚過,因為侵總統知道依家習近平用緊政府力量打擊中國企業,跟住美國人可以用一個合理價錢買返Smithfield 返嚟,求之不得喇,所以中國人打 貿易戰 打得零舍蠢過人,亦係咁解。

中國打唔打得起 貿易戰 ,其實一目了然,中國近年猛咁喺美國、歐洲收購公司嚟走資,以為乜嘢美國大公司都可以買落嚟,依家咪叫自作自受,所以侵總統發動 貿易戰 果陣,駛鬼顧住果啲農業州份,反正果啲公司都係中國人擁有。呢個只係顯得,中國人果種對世界大勢嘅無知,以為中國有兩個錢就堅係大X晒,事實上,中國連整份報復清單都雞手鴨腳,我相信如果中國唔肯對侵總統道歉,美國會玩得再喪啲,玩殘你啲中國大企業再講都未遲,所以呢次我繼續食花生,得罪方丈有無得走,都要睇吓你班友自身實力係點。

One thought on “中國打 貿易戰 嘅二仔底

  1. ..中國商務部決定呢份清單之時,有無研究過近年中國收購咗乜嘢西方國家公司..

發表迴響

你的電子郵件位址並不會被公開。 必要欄位標記為 *