左膠-勇武抗爭-min

香港嘅 左膠 同 勇武 都係假貨

一直以嚟,香港都有 左膠 同勇武派嘅爭論,其實喺歐洲,去過吓啲專服務 左膠 嘅書局就明,左膠同勇武抗爭係同一流派,但喺香港,既無真嘅勇武派,亦無真嘅左膠,香港有係一大堆假貨,如果香港唔認識呢啲假貨,以為佢地係政治救世主,我覺得香港年青人係無得救。

假 左膠 與假勇武

左膠 好興亂咁鬧人係法西斯,因為呢個係歐陸左翼人士一向針對右派人士嘅戰略,就係隨便送頂法西斯嘅帽子,雖然歐洲確有極端右派嘅存在。但問題係,歐洲嘅 左膠 係堅大愛,佢地真係真正生活上反對種族主義,甚至有對普京、習近平嘅種族主義傾向作出批判(反而英美假左膠好多),但香港 左膠 係對中國嘅種族主義作為選擇性失明,呢樣嘢,已經可以斷定香港嘅 左膠 ,當中有唔少係A貨嚟。

另一方面,歐洲嘅左翼,係重視設計嘅刊物同單張嘅設計,至少你知道同邊個設計流派有關,點會出現香港 姚松炎 果啲唔知邊個星球彈出嚟嘅宣傳品。我俾張我喺阿姆斯特丹一間左翼書店攞到嘅海牙五一勞動節單張俾大家睇吓

左膠-假貨-min
左膠-假貨-min

我想問,你 姚松炎 有無呢個水準嘅宣傳品,無就收檔吧。呢個係一個基本美學觀嘅問題,成棚 左膠 經常出入歐洲,但可以一啲嘢都學唔到,我堅懷疑呢班友去歐洲除咗吃喝玩樂,就唔知做乜春喇。

跟住,係勇武,喺歐洲, 左膠 好多時係堅勇武,啲書由教你拆咗巴士站果啲廣告燈箱,插入自己嘅宣傳品(請參考 Advertising shits in your head- Strategies for resistance,呢本書簡直係玩膠指南,英國人搞的),到堅喺街頭進攻都有,當然當中唔少涉及無政府主義分子,但至少佢地有相當嘅勇武,或more than和理非非嘅實踐,但香港呢?嚟嚟去去,都係掛張我要真普選上獅子山,第一次就天才,玩第n次就係蠢材。而 左膠 攻擊勇武,更加係顯出佢地嘅假貨本質。

當然,香港啲勇武派,勇佢條撚,我唔用粗口都唔得,邊撚個真係出嚟街頭打場堅嘢?講就易,有啲仲投X埋共仲以為自己好高尚,香港啲年青人,真係要戴眼識人, 左膠 一堆假貨,勇武派都係假貨,成班都政棍嚟。

發表迴響

你的電子郵件位址並不會被公開。 必要欄位標記為 *