姚松炎-太古城-min

姚松炎 搞太古城居民傻的嗎?

姚松炎 自從輸咗九西補選後,佢幕後團隊固然無檢討過, 姚松炎 本身啲離地行為都完全無檢討過。佢居然妙想天開,喺鰂魚涌公園偏遠地段興建企業合作房屋,跟住又話要喺太古城搞無車城。我未住過太古城,我只係家族有成員住果頭,但我個人係強烈反對呢個建議,呢個建議嘅白痴程度,我個人係難以接受。

姚松炎 成個idea張冠李戴

首先, 姚松炎 提出嘅Company Town,如果喺將軍澳堆填區嘅計劃,我認為可以接受,因為呢個可以將人口分散到新市鎮,但太古城係新市鎮咩,姚教授?如果呢件事喺德國出現,我唔奇怪,但如果呢件事喺香港太古城出現,我嘅評論係黐孖筋,仲要太古城、康山、康怡幾個城鎮啲公共交通都已經飽晒,當中包括唔少前往當地返工嘅人,玩呢啲之前, 姚松炎 信唔過趙家賢,可以問吓喺鰂魚涌一帶長大嘅人,我都喺麗池果頭讀書,同喺太古坊返過工㗎。

跟住太古城搞無車城,你無病嘛,太古城點搞無車城,以太古城、康山、康怡嘅規劃,你估居民真心想買車,居民係被迫買車,因為成個公共交通格局基本上飽和晒,都係果句,如果一個城市嘅公共交通係足夠,住市區嘅人邊個想買車,貪過癮?呢件事,根本係黐線。

而且無車城一個條件,係單車係有極充分嘅便利度,但香港點搞單車呀,如果香港市區搞單車,我估嘅結果就係混亂程度比阿姆斯特丹中央車站以及市中心一帶果啲單車情況更亂,仲要阿姆斯特丹嘅單車專用路比德國仲要惡,但荷蘭人揸單車好似趕住投胎咁,行人步行係極唔安心,揸果個都係(所以我完全唔敢喺阿姆斯特丹市中心揸單車,仲未計電單車同單車用同一條路嘅牙煙狀況)。如果喺香港,太古城本來無通往市區嘅單車路,就算有,以香港人嘅性格,成班友好似趕住投胎咁揸,你睇吓會唔會成日有意外咯,無錯,以太古城離市區距離,如果天氣唔太熱,仲可以揸到單車出銅鑼灣、灣仔、中環,但香港人嘅性格唔得,而且香港天氣一熱起嚟,中暑咁滯,你同我玩呢啲,無嘢嘛。

姚松炎 嘅政治生涯,基本上已經玩完,因為佢離地得太過份,我只能講,講呢啲,唔係嘛。

發表迴響

你的電子郵件位址並不會被公開。 必要欄位標記為 *