南生圍-min

南生圍 縱火又縱火 :黑警同恆基當市民係傻?

南生圍 縱火又縱火,復活節前後連續幾單起火事件,呢次消防員直指呢單係縱火案。其實市民都好清楚呢單嘢係邊個做,唔駛畫公仔畫出腸,但有人為咗錢,仲要本來家族啲錢已經駛極都駛唔晒,都仲要縱火, 南生圍 嘅情況,已經去到遠超公眾容忍嘅程度。

南生圍 邊個縱火大家睇到

先講黑警,其實 南生圍 邊班幫會縱火無理由佢地唔知,英國佬有無縱容新界鄉郊原居民幫會存在,肯定有,但有時太過份,英國人會拉人封艇,警告佢地咪亂嚟,但依家係當你唔存在,點解可以惡成咁,警方唔係話要維持法紀嘅咩,佔中有無縱過火,連縱三日果隻,果啲話要維持法紀嘅藍屍去咗邊,問呢班仆街,答唔出果啲當佢黑社會同路人都得,完全無資格講乜嘢維護法紀。

好似陳曼琪呢啲死八婆,唔係好鍾意申請禁制令,九唔搭八都申請禁制令,點解呢件八婆無申請禁制令,反而佢個申請禁制令嘅客潮聯,本身係乜貨色大家心照。你仲信香港有法治?香港依家堅係為咗錢,啲人無視法律打橫行,同中國我睇唔到當中分別?

跟住,係 南生圍 相關嘅業主,恆基兆業同傅老榕家族,我諗我係要公開點名,係有危險性,只不過都要,你們依家有幾多錢?啲錢已經去到一個純粹數字嘅地步果陣,有必要發展呢個項目,甚至為發展呢個項目,縱火又縱火,犯法又犯法,唔好扮到自己同單案一啲關係都無至得,你們係業主嚟,又唔見你們其他曬緊太陽嘅地係咁?除咗 南生圍 ,恆基兆業以往收購舊樓果陣,又係搵啲乜嘢人,做啲乜野嘢?已經改咗名嘅田生,最大客戶係邊個?點解恆基兆業收購嘅舊樓,實有離奇事件同火災?呢啲嘢,夠喇。當搵錢搵到呢個地步,已經遠超生仔無屎忽嘅範圍。果啲仇富嘅左膠,又點解一個都無去質問呢啲事情?講仇富,點解唔處理呢啲先呢?

除咗煤氣無法杯葛,我諗香港人係時候杯葛所有恆基兆業嘅商場,或相關業務,直至呢個財團有合理解釋為止。對我嚟講,李嘉誠並唔係太邪惡,講邪惡,點解從來無人講恆基兆業,特別係啲傳媒,講到尾,成班友欺善怕惡,是非不分,呢個就係香港。

發表迴響

你的電子郵件位址並不會被公開。 必要欄位標記為 *