基本法23條-min-2

復活節休息: 基本法23條 與BNO平權

戴耀廷去台灣指未來香港獨立嘅可能性,竟然引嚟土共圍攻,呢個好明顯要為《基本法》23條立法造勢,《基本法》23條係土共夢想嘅法律, 基本法23條 一立法,佢地以為就係佢地嘅世界,可以為所欲為,只不過,呢個世界邊有咁便宜嘅事。 基本法23 條一通過,就係BNO平權之日,亦即係土共正式失去香港控制權果一日。

基本法23條 BNO 間嘅關係

大家要重溫 基本法23條 嘅立法,其中一個最具爭議嘅部分,亦係土共挑起要打戴耀廷嘅原因,因為土共一直最希望 基本法23條 能夠延伸到所有香港永久居民,咁樣無論加拿大、澳洲、英國、德國、荷蘭等地嘅香港移民都唔可以對土共諸多聲氣,因為強加喺呢啲人身上嘅中國籍,再加呢個域外效力,就可以確保土共為所欲為無人出聲。呢啲係梁振英、陳曼琪、張曉明呢啲人渣嘅諗法。而果啲民都移唔到果啲香港人,就更加絕望。

但實際上呢,張曉明法學係學蘇聯KGB果套,佢以為KGB果套無邏輯可以亂嚟,錯晒,大家重溫一下Hong Kong Watch Lord Ashdown嘅BNO平權條件

I don’t say we should do it now, but if it is the case that those who have BNO passports feel so vulnerable that they can’t live there any longer, and that is proven to be a case, then I think Britain should certainly be prepared to show generosity in that matter.

如果戴耀廷喺台灣講嘢都搞到炒魷,其實就係觸中Hong Kong Watch設下嘅底線,有可能 基本法23條 準備立法,或國歌法提交首讀日期確認就平權,因為一平權,至少持BNO嘅香港人可以離開,唔駛搞出難民問題就離開。大家諗吓如果有香港留學生喺海外參加支持戴耀廷嘅示威,或者喺海外改中國國歌,放上網,然後唔敢返嚟香港,一旦香港要求引渡,果吓會有幾膠,根本係製造炸彈。所以 基本法23條 立法一嚟,成件事就會膠到爆炸,BNO平權果陣嘅草案係點,我當然未詳細掌握,但我相信,會以避免最少難民產生為目標,因為土共嘅瘋狂真面目已經浮咗上水,而國歌法立法成功後,一定係 基本法23條 立法,呢啲納粹德國《授權法案》咁嘅仆街玩法,你估讀過歷史嘅人未見過咩,呢啲講句難聽,唔係陰謀嚟,直頭係陽謀嚟,明知共產黨陽謀搞到咁,你英國政府仲唔act now,更何況依家擺明中國係比俄國更黐線嘅邪惡帝國。

當然,依家土共同佢啲五毛都唔知 基本法23條 就係觸發平權嘅機制,因為2003年果陣香港人都無提到要用BNO平權作為反制 基本法23條 嘅武器,但2003年果陣,香港大中華膠當道,當時BNO喺歐盟嘅權利尚未確立,你話呢個係反制機制,都無人信,不如衝上街好過喇,當年上街係仍然有用嘅。但依家情況唔同,BNO喺歐盟權利確立,而且一定係BREXIT膠問題其中一個,加上連佔中都唔可以令中共回心轉意,反而令大家意識到上街無用,議席無用,反而本護照仲有用,而且英國朝野已經喺 基本法23條 問題上有共識,咁樣嘅話,你覺得要制止 基本法23條 立法,你話係上街有用,定係要求朝野喺香港派passport有用,其實答案已經十分之清楚喇,係唔係?

依家土共係完全失控,佢地以為果次監粗阻止佔中後就可以為所欲為,加上之前英美等國盛行綏靖主義,以及香港人未有強硬行動,所以DQ議員,乜嘢都做得出,但依家唔係呢回事,特別英國同美國嘅外交立場明顯轉硬,你覺得中國仲有亂嚟嘅空間?依家土共當然同納粹德國一樣,以為邱吉爾、羅斯福等人硬起嚟都無問題,照樣強挑橫鄰,結果英美捲入戰事後,其實德國命運已定,同樣,當梁振英、陳曼琪、周融呢啲人可以喺香港再挑動文革果陣,其實大局已定,香港無必要怕呢啲仆街唔出聲,係應該出得大聲啲,你聽劉兆佳呢啲太監話唔出聲,只會益咗果啲綏靖主義嘅仆街,西方一直有人嘅屎忽係善價而沽。

One thought on “復活節休息: 基本法23條 與BNO平權

發表迴響

你的電子郵件位址並不會被公開。 必要欄位標記為 *