香港01-min

香港01 蝕到跳舞嘅原因

香港01 龍景昌劈炮,好多人議論紛紛,只不過, 香港01 本身都係一個分析互聯網業務嘅好教材,因為 香港01 係從屬於南海控股,睇南海控股盤數,就知 香港01 盤數有幾核突。扣除南海控股內部提供嘅廣告,竟然得2100萬港紙外部廣告收入,簡單嚟講, 香港01 根本無人睇。

香港01 應該有幾多人手

網媒廣告係唔係一盤好賺生意,一定唔係,但點解五億成本投資換嚟只係兩千幾萬嘅收入?一方面,係廣告管理問題,點樣管理啲廣告,我呢度唔會教精人。但廣告點管理都好,最終決定係內容,如果內容係唔掂嘅,講乜都係多鬼餘。而好不幸, 香港01 嘅內容根本係唔掂,政治立場固然乞人憎到爆,而好多內容同content farm一啲分別都無,邊個要長期追睇一個無insight嘅網絡傳媒。而 香港01 嘅人手同薪酬結構極為龐大嘅情況下,但收到嘅廣告收入完全唔成正比,咁梗係成單嘢輸到底褲都甩埋。

有樣嘢,其實壹傳媒業績有講,就係因為業內流行程序化購買廣告,呢樣嘢係乜嚟,就係透過機器學習,大數據,知道目標讀者喺邊啲地方可以搵到,可以將廣告精準投放到目標讀者,Programmatic Buying嘅年代,做網站主人,固然最基本責任就係踢走果啲同你啲讀者無關嘅廣告,以免阻止真正客戶投放廣告,另一方面,如果果間傳媒啲內容根本無料到,或者內容被人質疑,program自動會唔落廣告喺果度地方度,件事就係咁簡單。而香港嬰兒潮後出生果啲所謂傳媒人,乜佢地識製造一啲可以回應有消費力讀者嘅內容㗎。好多網媒就更加唔駛講,呢啲生產嘅嘢,佢地識條鐵咩?所以,依家香港傳媒面對呢個地球新趨勢,咪一潭死水。

所以,香港傳媒廢柴當道嘅結果,就係個個等中共嘅維穩費餵飽自己,一旦中共無水佢地就宣布玩完,件事就係咁簡單。 香港01 我睇唔到扭轉業績嘅希望,除非改變政治立場,因為擦共產黨鞋嘅垃圾,呢個世界大把,但敢講嘢嘅傳媒,就完全係買少見少,隨時人人睇海外網站,都唔睇香港網站果陣,你班友都係早抖吧喇。

發表迴響

你的電子郵件位址並不會被公開。 必要欄位標記為 *