維基中文-min

維基百科 中文嘅Check User權限點解一夜消失?

維基百科 中文充斥五毛,唔係新聞,否則我唔會被 維基百科 中文停權咁耐,而且大批香港用戶同百無一用是書生呢件大五毛開大片,而維基媒體基金會對 維基百科 中文嘅縱容態度,亦令Wikipedia中文,變成咗水準同百度百科相差無幾嘅垃圾崗。只不過,維基媒體基金會,突然宣布停晒 維基百科 啲CheckUser權限,由維基媒體基金會中央接手(即係元維基),其實係反映 維基百科 中文嘅管理人員,根本係不被信任嘅一群人。

維基媒體基金會終於面對 維基百科 中文五毛充斥嘅事實

其實知道CheckUser呢個權力可以做乜,就知點解維基媒體基金會點解要採取行動,Checkuser可以俾監管員check到個別用戶嘅IP,如果喺美國呢啲注重私隱嘅國家,呢項權力留番相關語文嘅社群當然無問題,甚至係更好,呢個係涉及果個語文嘅維基社群自治問題。但依家 維基百科 中文五毛充斥,你又唔見同樣用漢字嘅粵語 維基百科 引入相類似嘅政策?呢個充分反映,維基媒體基金會絕對係知道 維基百科 中文係五毛盤據,雖然根本係太遲,如果維基媒體基金會係夠醒嘅話,係要大規模將好似百無一用是書生呢啲人踢出 維基百科 ,無可能長期俾佢地揸住大量 維基百科 嘅用戶私隱,以及各類編輯權力。

維基百科 中文最終搞到五毛充斥,其實問題係,維基百科嘅DNA其實十分之左膠,善意推定呢樣嘢,喺學術界或者勉強行得通,但喺對付中共第五縱隊嘅滲透係一定行唔通,否則我點會管blog同facebook page採取一個強硬政策,甚至嚴格嚟講係一個連like都唔要嘅政策。背景就係中共第五縱隊嘅滲透能力太強大,你必須採取一個強硬政策,維持言論自由,否則你同德國威瑪共和政權有乜分別至得?依家某程度上, 維基百科 嘅民主失敗,就係呢種左膠思維所謂,MetaWiki收番CheckUser權限,係第一步,但遠遠唔夠。對中共或俄國嘅滲透,你必須有德國果種防衛性民主(Wehrhafte Demokratie)思維,至可以保衛民主制度長治久安。

One thought on “維基百科 中文嘅Check User權限點解一夜消失?

發表迴響

你的電子郵件位址並不會被公開。 必要欄位標記為 *