頭條新聞

做唔做到朕即皇帝香港版:睇 頭條新聞 點搞

相信呢度嘅讀者,有唔少係膠事錄嘅作者,應該知道奧地利公共廣播公司ORF,每年除夕嘅黐線政治諷刺節目朕即皇帝(Wir sind Kaiser),無錯,每年除夕搵人扮奧地利皇帝係咁諷刺啲政客,仲係要ORF除夕倒數節目嚟(乜話?無錯,除夕倒數睇佢)。對睇ORF, ZDF, BBC嘅人,RTHK嘅 頭條新聞 係堅削。只不過,終於香港電台有人認真睇睇歐洲係點做,最新一輯玩袁世凱稱帝果段時期,有啲學 Wir sind Kaiser。

頭條新聞 有啲知道自己要做乜

對於睇慣歐洲幾個公共廣播機構政治惡搞節目嘅人, 頭條新聞 係堅削,又唔夠Have I got the news for you咁抽水抽到沙漠級(係連個page都抽到變沙漠),又唔似ZDF Heute-show或ARD Extra-3咁恥笑力強,更加唔好講ORF Wir sind Kaiser挑戰唔少奧地利政治禁忌(例如哈布斯堡皇朝復辟,扮皇帝扮到去國會出席共和國九十週年展覽呢啲黐線嘢)。徐四民以為呢啲係陰影怪氣,歐陸標準果啲可以激到土共爆血管。依家 頭條新聞 直頭扮袁世凱復辟,不單扮相會好過扮太后,而且有 ORF Wir sind Kaiser嘅format,同民國期間啲人講嘢方式參考,其實可以玩到好盡,況且依家係直接諷刺習近平。 我甚至認為,果啲播流行曲嘅部分可以取消,搵政客上嚟同「吳世凱」對吓嘴,可以會頂癮啲,雖然我唔知香港有乜政客,有奧地利共和國班友咁有充沛嘅膠力喇,因為奧地利嘅政客係會上Wir sind Kaiser嘅。

呢個format,同時測試梁家榮有無種,大家仲記得佢老人家下令視點31刪Facebook文,我知周融條無賓周嘅英國人,係抄一件澳門仆街嘅玩法,依家我睇梁家榮係唔係無吉士到呢個地步, 頭條新聞 玩袁世凱,呢個係歐洲公共廣播標準嘅應有玩法,既然歐洲公共廣播都玩呢家嘢,我睇唔到RTHK有任何理由唔俾咁玩,正如張敏儀以前講,佢只擔心 頭條新聞 唔夠好笑。

利申:我仍然係香港電台節目顧問團成員

發表迴響

你的電子郵件位址並不會被公開。 必要欄位標記為 *