居英權-子女

居英權 計劃嘅真正問題

香港商人爭取 居英權 ,雖然見諸英國密件,但係有乜研究價值,成個角度錯晒,好學唔學學埋啲左膠仇恨資本主義角度,所以如果香港眾志最終泡沫,我一啲都唔意外,無人想喺一班左膠領導下「自決」,果個其實叫「自盡」。作為一個同英國國籍法交手廿幾年嘅人,我點睇 居英權 計劃。當時係一個權宜之計,但講真,成件事係有漏洞。

居英權 計劃嘅漏洞

居英權 計劃,其實係1989年果個時空權宜產物,雖然大家都知BNO平唔到權真正原因係中共,唔係英國,但你睇支持BREXIT果班舊英國人嘅思維,你話依家分級國籍法當時有無市場,係有市場,否則1961-1983年期間唔會不斷收緊國籍,當時英國想所有CUKC都係Community Citizen,但當時歐洲驚人數太多唔滯,依家歐洲主動接納BNO,係另一個時空嘅產物。當時出呢個權宜之計,我睇咗啲文件,我多咗了解,就係當時保守黨以至英國主流選民未意識到要向文化民族主義轉型。依家回到平權呢條路,其實係貝理雅年代嘅撥亂反正,出現文化民族主義嘅另一個英國嘅產品,而BREXIT係新舊英國一個對決嚟。

亦由於英國唔係文化民族主義,所以成個效忠只係向女王效忠變咗有問題,特別大家知道華人好多時發誓當食生菜,忽略咗 居英權 持有人係必須忠於英國嘅民主價值,而2004年嘅BC,BOTC誓詞,加咗以下呢段(BOC, BS無呢一段,因為唔涉及任何居留權,BOTC嘅話,就文中嘅UK改晒做相關海外屬地)

I will give my loyalty to the United Kingdom and respect its rights and freedoms. I will uphold its democratic values. I will observe its laws faithfully and fulfil my duties and obligations as a British citizen.

如果有呢段誓詞,依家要剝走周融、謝偉銓、健吾呢啲仆街嘅英國公民身份容易好多。

所以我相信一旦BNO平權,係有必要再作呢段誓詞,唔肯作誓詞,或一啲擺明會違反誓詞嘅人,例如香港警察,就可以同佢地慳番本British Citizen passport。當然,左膠對loyalty呢家嘢,識條鐵咩。

居英權 計劃另一漏洞,係居英權計劃嘅第三代係無British Citizenship,咁係會出事嘅,如果未來有BNO平權,係要解決呢個問題,但都係果句,一定要補以上誓詞囉。同埋中國人入籍英國,如果走去幫中共,其實已經可以郁佢。因為佢地已經違反咗佢地做過嘅pledge。

One thought on “居英權 計劃嘅真正問題

發表迴響

你的電子郵件位址並不會被公開。 必要欄位標記為 *