香港01-min

香港01 係連偽君子都費時做

一直以嚟,我對 香港01 都印象極差,我呢度share 香港01 會ban人,只不過, 香港01 近日嘅人事變動,耐人尋味,因為依家係于品海親自操刀,甚為罕見,如果于品海要搞到御駕親征,證明依家 香港01 已經連偽君子都費時做,直接做真小人。

香港01 同于品海嘅一貫風格

點解我唔信 香港01 ,呢個同我喺明報年代嘅認知同經驗有問題,你一定要知道明報點樣喺于品海手上變成一份仆街報章,你至知依家成件事係點搞出嚟嘅。否則你唔會明白, 香港01 實際嘅危險性。

于品海喺九十年代由查大俠買《明報》返嚟,當然查大俠都唔係乜嘢好人,雙查方案大家知係乜料,但查良鏞始終係文人,佢係有番啲底線,所以明報係做到意見大可自由呢個風格,左中右嘅人都有,而于品海買咗《明報》返嚟後,都扮係民主開明,就暗地搞乜我唔知。只不過,于品海賣明報俾馬來西亞嘅張曉卿,大家都知張曉卿係一件乜嘢仆街,呢個係全南洋華人都知嘅事,跟住明報咪變到依家呢個樣,就係完全唔知一份知識分子報紙。

而 香港01 搵前《明報周刊》老總龍景昌揸旗,其實係想扮開明,簡單嚟講,就係將佢喺明報年代嘅公式再玩一次,成班泛民仲以為 香港01 係乜嘢開明網媒。只不過,于品海嘅功力,以至共產黨嘅演技都不大如前,所以 香港01 成日都有啲露底社論出嚟,搞到好多人都唔敢再信 香港01 ,依家要于品海赤膊上陣,就簡直係偽君子都費時做,直接宣布自己係一件仆街算數,所以于品海親自掌舵後,大家都未必再要睇 香港01 呢份垃圾喇。

但仲有一個可能性唔可以排除,就係于品海做 香港01 差唔多,喺SEO上有一定價值,到咗一個可以善價而沽嘅時候,相信 香港01 有可能會賣俾中資公司,或者急於claim維穩費數,要買個有SEO價值傳媒嘅友仔,大家都知一樣嘢,就係中國呢班友,未必喺財力上再維持到 香港01 ,于品海仲唔三十六著走為上著,賣咗 香港01 套現,所以呢個亦係于品海必須赤膊上陣嘅一大理由,如果唔赤膊上陣,邊度賣得個好價錢至得,于品海呢啲友仔甚少死錯人。

發表迴響

你的電子郵件位址並不會被公開。 必要欄位標記為 *