區諾軒-1-min

區諾軒 喺議會衝話俾「焦土派」啲乜

喺補選期間, 區諾軒 一直都係小弟支持嘅人選,無令人失望,喺一地兩檢法案審議果陣, 區諾軒 好似玩欖球衝底線咁衝出去,立法會果啲前黑警保安都要以四對一先搞掂,如果後面嘅譚文豪勇少少都已經一場大混戰。而呢次 區諾軒 衝議會係好多人睇,唔係我NewsFeed政界人多,而係衝呢家嘢,唔係得個講。

區諾軒 衝咗,焦土派班X樣呢?

區諾軒 毫無疑問已經衝咗出去,你可以鬧泛民嘅議員係飯民,但當年好多焦土派中人支持嘅鄭松泰,依家去咗邊? 我唔見果班焦土派嘅友仔,鬧爆鄭松泰廢柴,唔該焦土派對自己嘅言論負責。我唔反對衝,我一直都好憎梁君彥,我係幾次喺立法會Panel Meeting被主席趕過出去嘅平民,如果我係議員,我諗我一早衝咗n次。問題係依家焦土派支持過嘅人,都係廢到同飯民一樣,相反,有啲泛民係衝過,又唔見班焦土派提?所以大家要對果件焦土KOL尤其小心,呢班友講嘢從來無責任感,只不過收柯打行事,同果啲連阿水都唔知係邊個嘅飲食KOL,其實一啲分別都無。

另一方面,唔係個個都啱衝,同埋衝要有方法,呢次 區諾軒 係衝得嚟似足球越過啲後衛,或者欖球要達陣,班本土派要喺議會行打架路線,無問題,唔該要有番咁上下體格、身手,同埋堅係有方法去衝,唔係亂衝。依家立法會秘書處班仆街保安,好多係退役黑警嚟,佢地或者對真正嘅賊佬唔打得,但對一般議員或平民係綽綽有餘,呢次 區諾軒 係少數四對一其實算平手嘅對戰,如果平日,我諗無呢個鏡頭俾大家睇,係衝咗都未必知。所以呢次 區諾軒 係做咗專業示範,如果係要衝,係要有一定體能同體格鍛鍊,唔係你班焦土派,一日到黑對住個keyboard做人。

都係果句,喺歐洲,雖然有完整嘅民主政治同太平盛世,但搞政治嘅人,不論係邊一個崗位,由抗爭者到議員都係專業,政治就係專業,依家香港好多焦土派,講句難聽,係衰過Armchair General嘅周末革命黨,Armchair General,做沙盤兵推都知有無料到,周末革命黨我唔知乜嚟,講真,焦土派又同飯民一樣一舊飯。

發表迴響

你的電子郵件位址並不會被公開。 必要欄位標記為 *