牛肉乾-min

塗改 牛肉乾 反映嘅問題

近日連續有兩單 牛肉乾 被塗改事件,先有硬膠司機懷疑將自己嘅 牛肉乾 改成人地個車牌再「轉贈他人」,被車cam周中被拉,跟住又有警察改抄牌時間,然後搞到 牛肉乾 最後要註銷嘅奇案。其實呢兩件事,充分反映香港啲 牛肉乾 派得幾落後。

用機派 牛肉乾 好難咩?

喺歐洲,唔少地方嘅 牛肉乾 唔係用人手寫人派,而係用機器scan,影完相,scan完車牌,再印出嚟,英國再用膠袋封好張 牛肉乾 ,免被篡改,英國都做足所有功課,防止各方人等玩膠,都有路牌設計失當,或Town Council亂咁劃禁區嘅問題, 牛肉乾 搞到有爭拗,否則ITV唔駛拍果套Parking Wars,依家香港落後到人手派 牛肉乾 ,仲要啲黑警自己為咗跑數都走去玩老妨,依家香港 牛肉乾 變咗一個膠無可膠嘅問題,仲可以怨邊個。

其實一旦用機器抄 牛肉乾 ,唯一要考慮嘅問題,就係有人攞咗人地嘅車牌,擺喺人地架車上面,一旦被抄唔知邊個中招,所以歐洲嘅車牌,有唔少國家,上面係有當地政府嘅特定貼紙同標記,以資識別,因為歐洲你諗到有幾膠都可以有,香港最多咪scan擋風玻璃上面嘅行車證,呢啲嘢,係現今科技絕對做得到,不單時間無得改,地點容易靠GPS定位確認外,仲有一個好處,就係會抄得好快,基本上可以派黃腳鱲搞掂,駛鬼請咁多人工貴到爆嘅差人咩,你話係唔係?喺英國,派 牛肉乾 呢家嘢,係外判俾人做嘅。否則啲Town Council,邊叉度咁有錢請咁多人去抄牛肉乾,傻的嗎?

依家香港嘅問題係,一個垃圾到無朋友嘅政府,可以將一啲本來好簡單嘅民生問題,都係可以搞到一鑊泡。其實如果用英國嘅機器抄牌法,係連老闆車問題都可以好快解決,因為老闆車一scan資料即印 牛肉乾 ,而且大家依家明點解英國可以玩累積 牛肉乾 ,太惡劣嘅情況,抄到成個擋風玻璃都係 牛肉乾 都仲得呀。一個只係想官商勾結嘅政府,就係唔會認真解決民生問題,所以沒有民主就沒有民生,就係呢個道理,你試吓將 牛肉乾 管理權交俾區議會,變成區議會收入,你睇吓邊有咁多老闆車亂泊。

One thought on “塗改 牛肉乾 反映嘅問題

發表迴響

你的電子郵件位址並不會被公開。 必要欄位標記為 *