環球時報-min

環球時報 應該被判定為法西斯報紙

你對住澳洲人(任何族裔,純國籍論),你鬧佢係監犯或監犯後代,後果只得兩個,一係被人打,一係你嘅post被指係種族歧視消失,唔會有其他。呢個絕對係澳洲禁忌。但 環球時報 竟然可以喺文章暗諷澳洲人係監犯後代,DNA有問題,我認為澳洲人一定要搵 環球時報 算賬,絕對唔可以寬恕。

環球時報 係赤裸法西斯報紙

出現問題嘅文章,係 環球時報 標題為悉尼先驅晨報,你是想裸奔抓眼球嗎嘅文章,喺3月4日刊登,成篇文章有一句,我認為已經係公然國籍及種族歧視,必須道歉。

我們知道澳大利亞曾關押過大英帝國的大量囚犯,當澳大利亞社會里少數人出現正常文明難以解釋的怪異表現時,這是否來自於某種陰差陽錯的基因遺傳呢?我們不得而知。

中國係唔係納粹,係有一定客觀判定標準,至少喺劉曉波嘅死,已經惡棍程度超過納粹,而中國不斷用「自古以嚟乜乜乜係中國領土」嘅理論,我都講過n次,呢種偉論,根本係希特拉一個民族、一個國家、一個領袖嘅講法(Ein Volk, ein Reich, ein Führer),澳洲報紙無攞呢句德文出嚟已經十分之客氣,我就直接攞呢句德文出嚟,所以SMH嘅寫法,唔係針對中國嘅種族歧視講法,屬於基於客觀事實嘅分析。相反, 環球時報 以上呢句,係不折不扣嘅racist,如果你對住個澳洲人講,對於一啲無咁好脾氣果啲,一早打咗你十世,中國認為支那好過份,呢句過份過支那十倍以上,所以 環球時報 唔道歉嘅話,澳洲人應該當眾焚燒 環球時報 ,或者唔俾 環球時報 嘅人入境。

去到呢點,我認為左膠係應該出嚟,如果左膠成日指陶傑係racist,咁點解 環球時報 當眾講呢句,已經成個月,啲左膠係一啲反應都無,呢個又一次證明,香港班左膠,好多只係大中華種族主義分子,對中國人有著數就鬧人係racist,對真正嘅racist就一句聲都無,左膠呢啲假大愛、假包容,已經睇咗好多次,所以,唔好再話香港啲左膠係大愛包容,我嘅答案係十分之簡單直接,就係呢班左膠都係假左膠之名嘅種族主義分子,最惡劣係呢種。

發表迴響

你的電子郵件位址並不會被公開。 必要欄位標記為 *