填海-min

林鄭月娥 填海 都係為班中國豪宅買家

林鄭月娥搵地不力,所以又諗起 填海 呢個歪念頭,呢個念頭同喺郊野公園起樓一樣咁仆街,但林鄭月娥以為可以挑起民粹,話啲環保團體阻住地球轉。啲左膠咁膠,鬼識反駁林鄭月娥,佢地都唔知,或者知道都唔講成個地產產業鏈點玩。林鄭月娥咁想 填海 ,實際係啲中國豪宅買家,以及服務他們嘅地產商嘅諗法嚟。我就講吓發生乜事。

林鄭月娥想玩 填海 後面嘅算盤

一直以嚟,中國豪宅買家都係想買維港兩岸嘅樓,所以新鴻基同太古至天價買北角邨嘅舊地皮,而海航集團狂投啟德幾塊地皮都係呢個背景,維港背景嘅地皮係好有價,亦好渴市,因為依家連土瓜灣都發展得七七八八,而海航嘔番晒啲啟德大地皮後,中國地產商仲有位插隻手入嚟維港兩岸就奇。維港兩岸兵家必爭,呢個係肯定。

陸恭蕙留低嘅保護海港條例係好難郁,而香港都無人想搞維多利亞河呢樣嘢出嚟,所以林鄭月娥一定要煽動公屋居民,話幫佢地爭取上樓土地,事實上,填海嘅土地根本唔可能用喺公屋,你呃邊個至得。唔通填將軍澳果啲地咩,果啲海邊地,啲中國土豪買家係唔會有興趣,維多利亞港係得一個,係咁多就係咁多。所以,林鄭月娥呢個 填海 造地論係假命題,大家一般話點解唔嘔番粉嶺高爾夫球場出嚟就係咁解。當然,最王道嘅解決方案,梗係發展棕地,唔係 填海 ,棕地發展可以幫到唔少中小型地產商添,因為棕地啲size有大有細,如果係有心解決問題,攞部分無咁大嘅棕地出嚟俾中小型地產商,同埋起公屋,已經解決到唔少,無人要你林鄭月娥一鑊過解決所有問題喎。

當然,要大塊棕地至郁手,梗係有佢原因,因為大塊嘅地,可以益大型地產商,得大型地產商有得玩,中小型地產商無財力玩,所以林鄭月娥根本係無心解決香港嘅房屋問題,完全只係同啲大地產商,以及土豪服務,其實李嘉誠退休前勸林鄭月娥解決公屋問題,又唔係百分百偽善,因為佢唔會係有份玩呢個大塊地,大海景呢個遊戲果個地產商,只不過,依家林鄭月娥只係為佢啲金主服務,香港嘅土地發展方向,應該會繼續錯落去,佢點煽動民粹都無用。

One thought on “林鄭月娥 填海 都係為班中國豪宅買家

發表迴響

你的電子郵件位址並不會被公開。 必要欄位標記為 *