東柏林-min

星期日休息 : 香港離變成 東柏林 還有幾遠?

近日有單新聞,馬克思故鄉向歐洲央行申請發行零歐羅紀念銀紙,但要賣三歐羅,去作紀念品賣。我睇呢單新聞果陣,我諗起我去柏林DDR MUSEUM果陣,買咗張印有東德國徽嘅零歐羅銀紙,再睇印有東德國徽嘅護照型筆記簿,如果你睇番依家香港嘅情況,香港會唔會變 東柏林 咁,銀紙唔值錢,護照邊度都去唔到,呢件事堅係令人擔心。

香港變 東柏林 後嘅世界

東柏林 或者東德,喺共產主義陣營嚟講,叫生活質素最好(比起蘇聯本身),有啲產品都係得西方市場歡心,例如Carl Zeiss Jena嘅鏡頭,或者DR Class 212, 243電氣化車頭(兩德統一後係運咗前我住果個城市去用,十分之怪奇),但 東柏林 比起西柏林,我只能講,佢地係失去尊嚴,無出入境自由,就算可以出入境,本護照都係虧嘅,跟住東德馬克係廢嘅,喺兩德統一之前,東德馬克係完全唔X值錢,係去到兩德統一前,開始貨幣同盟後,由於好明顯西德政府會吸納晒啲東德馬克,至值番一定嘅錢,當年嘅一百東德馬克印嘅正係馬克思個樣,印東德國徽嘅係大額五百東德馬克,所以我睇膠事錄果段新聞,再睇我檯上嘅零歐羅印住東德國徽嘅紀念銀紙,我堅係笑咗亦係咁解,最終兩者嘅價值都係歸零,呢個就係共產黨搞出嚟嘅好事。

東柏林-min
東柏林-min

問題嚟,香港會唔會變成 東柏林 果種世界,我可以講會嘅,因為中國明顯係向後倒退,除非香港歸英或獨立,變成另一個西柏林,否則香港就會變成另一個 東柏林 ,面對一個無出入境自由,經濟同物質享受不大如前嘅世界。而呢個世界會點,大家先留意一下同樣係深藍色皮嘅特區護照,就會變成東德護照咁,除咗去其他中國嘅「友好國家」,根本得到無所用,所以我晏少少會開炮鬧爆陳自瑜呢個投共巴士年鑑編者抹黑BNO,呢啲友仔不負責任程度,我除咗鬧爆無其他選擇。東德護照最有用果陣係兩德統一之後嘅時候,因為果陣嘅東德護照係當德國護照使用,直至德國政府換晒啲護照做德國護照為止。共產國家嘅國民一向難得免簽待遇,因為佢地嘅國民一有機會就會留喺當地逾期不返,亦唔知佢地會唔會乘機滲透間諜,近年世界各國對中國護照嘅簽證批核都過於寬鬆,所以日後收緊番係遲早問題。

跟住銀紙,香港表面上銀紙係好過東德馬克,因為香港係同美國有聯繫匯率關係,但有兩個因素,我對未來港幣幣值好有保留,首先,香港外匯儲備係唔係滲雜大量人民幣,如果係嘅話,絕對係慘劇嚟,因為人民幣一旦因中國有事大幅貶值,香港會有極大損失,但呢方面,香港政府從來無同香港人或港幣持有人清楚交代。另一方面,如果美國大幅修改,或廢除美國-香港關係法,香港仲可唔可以用聯繫匯率就好有保留,因為依家嘅聯繫匯率,實際係香港關係法5713條第六款以下條文所保障,如果無呢個條文,你港紙乜叉嘢都唔係

The United States should continue to allow the United States dollar to be freely exchanged with the Hong Kong dollar.

大家想像中,如果下USD唔可以to be freely exchanged with Hong Kong dollar將會係乜嘢災難結果,所以有啲茂利仲係要香港脫離聯繫匯率,呢啲人渣係唔係想香港人嘅銀紙一夜之間變東德馬克?但如果呢啲賣港人渣越嚟越多,咁我可以咁講,一旦支爆需要搶走香港嘅外匯果陣,香港喺呢個情況下脫離聯繫匯率,結果就係香港人嘅財產一夜之間一無所有,最終就係變成喺海外毫無購買力嘅東德馬克。當然啲港奸一早將啲銀紙匯走變成另一個國家嘅貨幣,甚至有事立即走去其他西方國家,呢班友某程度上真係攞完著數就乜嘢責任都唔駛負,十分之恐怖。

當年香港會唔會變成 東柏林 ,其實都係睇番香港人自己,當年嘅 東柏林 人有爭取自由嘅意志,結果東西柏林最終合一,雖然要恢復威瑪共和年代柏林果種自由城市嘅風華,條路仲好遠,正如維也納都未恢復番1932年之前果種自由城市嘅風采,但香港人應該知道,有時零歐羅銀紙,唔只係紀念品,仲可以去警告,呢個亦係我去柏林公幹,會去DDR Museum嘅原因。

(我有兩張DDR Museum嘅0歐羅銀紙,我一直想送讀者,但未知點送,或者咁,復活節前,頭一位買齊Kaffeeform Weducer Cup + Cappuccino Cup + Espresso Cup 嘅訂單,我就送一張。)

發表迴響

你的電子郵件位址並不會被公開。 必要欄位標記為 *