雙重國籍-1-min

中國打擊 雙重國籍 一早應該做

一直都有報導指,中國政府打擊 雙重國籍 ,要註銷有海外居留權,或非中國國籍嘅中國公民嘅中國戶籍,有台灣、香港、澳門居留果啲都係,五月由上海開始,引發好多呢啲食兩家茶禮嘅中國人恐慌。喺好多問題上我同中國政府都有分歧,但喺 雙重國籍 問題上,中國政府一早應該連埋香港都唔承認 雙重國籍 。

雙重國籍 即係雙重效忠

共產黨自建立政權以嚟,就立即清理自大清帝國國籍法以嚟嘅荒謬狀況,就係凡有華裔血統皆為大清子民,呢件事係種族主義兼做成雙重效忠問題,根本係唔啱,所以1955年周恩來自同印尼簽署 雙重國籍 條約,將華裔擁有嘅中國國籍廢武功,呢個亦係點解我係英國人嘅歷史由因。中國國籍法如果一直揸正嚟做,根本唔會有咁多中國人,喺海外又享受海外福利,又喺中國享受中國福利,講句難聽啲講,呢班友著數佢攞晒,責任就唔孭吓,呢啲仆街根本係自私自利,仲叫人去愛中國,呢啲仆街叫佢返去早抖喇,所以中國政府迫佢地二揀一,其實係習近平近年少有去做嘅好事嚟。

講番香港,其實1997年前為咗留住啲香港有錢人嘅 雙重國籍 承認應該同步廢咗佢,依家仲揸有效BNO, BC, 葡國護照或其他國家護照,唔該照中國國籍法條文,自動廢晒佢地嘅中國國籍,要繼續分享做中國人嘅榮耀,唔該退晒啲外國國籍。特別BNO, BC如果依家繼續持有,而依家佢個人喺英國或歐洲,根本係《中國國籍法》第九條果啲人,果啲自動DQ佢個中國國籍算喇,我相信咁樣亦令中國果啲被人取消雙重國籍嘅人服氣,而果啲BNO, BC亦唔會有怨氣,因為好多根本就係唔想要你嘅中國國籍。而且中國政府要做都好簡單,宣布廢除1996年嘅人大釋法,就已經乾手淨腳搞掂,更何況,更何況人大釋法果個中國血統定義,根本同中國國籍法第二條重申嘅中國係一個多民族國家嘅原則有嚴重衝突,亦同中國憲法裡面對中國民族組成相關嘅條文有衝突,都係果句,俄羅斯血統係唔係中國血統,韓國血統係唔係中國血統,呢件事真係黐線到無朋友。所以,1996年嘅人大釋法,執咗佢吧。

2 thoughts on “中國打擊 雙重國籍 一早應該做

  1. 仲有另一可能:就係踢走呢班擁有雙重國籍既中國人,咁果班人之前供落果d 五保一金即時可以充公。雖然話而家蝗國既五保一金唔夠支付,但即時充公返一筆,可以推遲少少支爆。

發表迴響

你的電子郵件位址並不會被公開。 必要欄位標記為 *