美國-一地兩檢-min

美國 一地兩檢 在台灣

有傳美國有意喺台灣桃園機場設立preclearance,即係 一地兩檢 ,可能成為第一個遠東機場具備呢個能力。如果有人話呢種做法,純粹吸納更多台灣旅客嘅話,呢個講法實在太白痴。美國嘅 一地兩檢 設喺台灣,有代表美國同台灣關係極密切。

愛爾蘭嘅美國 一地兩檢

雖然成日話英國同美國係老友,但成個聯合王國唯一有美國 一地兩檢 措施係百慕達,百慕達嘅BOTC(BDTC)入美國唔駛ETA,反而英國公民要ETA,所以所謂VWP我講法係只係同香港同台灣之間嘅電子簽證安排相若,係節省咗去領事館嘅安排,但你要俾ETA嘅費用同VISA相若。而喺歐洲,唯一堅有美國 一地兩檢 反而喺愛爾蘭,愛爾蘭都柏林同香農機場都可以做美國 一地兩檢 ,我都睇過愛爾蘭啲安排點做。

點解愛爾蘭會有美國 一地兩檢 ,因為好多愛爾蘭人喺大饑荒果陣移民去美國,所以愛爾蘭移民喺美國好有勢力,亦因此北愛問題上,美國企喺愛爾蘭,而唔係英國呢一邊,所以美國同愛爾蘭果種稱兄道弟,同英國好唔同,如果台灣有美國嘅 一地兩檢 ,即係表示台灣同美國嘅關係係愛爾蘭同美國果個級數,仲密切過南韓或日本同美國嘅關係,屆時中國要打台灣就要堅諗清楚,因為美國係肯定會防守台灣,唔會客氣,呢件事美國唔係求其攞出嚟放氣球試探咁簡單。

當然中東都有杜拜機場有美國 一地兩檢 ,但果個 一地兩檢 其實有美軍調動嘅考量,因為美國好容易將啲僱傭兵等投放或撤回美國,所以美國一度考慮成田機場設立美國 一地兩檢 設施係有佢原因。只不過,美國設立 一地兩檢 設施,因為美國除咗喺加拿大獲授權有限度執法外,喺愛爾蘭、杜拜、百慕達等全部無治外法權,唔同中國要喺香港搞治外法權,所以美國嘅海外 一地兩檢 設得十分之審慎,基本上,好多大國嘅大機場都無份玩,都係美國有佢自己嘅保安考量,所以台灣會唔會,好睇台灣會唔會好似加拿大咁授權美國人員喺台灣人員陪同下執法,如果呢關都得,就一定會投下一個巨大嘅炸彈出嚟,因為原則上無技術阻礙美國喺台灣搞 一地兩檢 ,剩低只係美國想同中國玩幾大。

One thought on “美國 一地兩檢 在台灣

發表迴響

你的電子郵件位址並不會被公開。 必要欄位標記為 *