程班長

程班長 被抹黑事件:KOL都可以造假嘅惡劣風氣

程班長 被一啲不知來頭嘅KOL抹黑,跟住想拉 猛烈南瓜在飯桌 落水,但呢個年代仲生存到可以獨立營運嘅網上Page主,邊驚你打dog fight至得,仲要唔知乜水果啲page主,被人一嘢KO,跟住果個用肖友懷著果件衫做Page名嘅不知名KOL自己摺埋。

程班長 事件話俾大家聽啲乜

當然 程班長 好唔好食,大家條脷都唔同,自己評斷。但呢件事,可以睇到香港部分公關agency有幾白痴,同埋果啲KOL可以係海市蜃樓搞出嚟,亂咁吹捧KOL可以玩死好多人同公司同政黨。

首先,like多唔代表影響力勁,香港啲公關公司用嘅Monitoring tool,我明白佢地嘅limitation,因為香港公司買data係難好多,鬼叫中國關係,但佢地啲tool係原始到睇幾多like嚟決定邊個係KOL就太kai,其實一般負責任嘅KOL,至少會出真身,或大家大致知道佢係一個真人,而且一般會有經營負責任嘅專欄或網站,佢地嘅收入來源,可能自己有生意,或者係網站廣告,或者有一定讀者支持,所以有時為免垃圾污染,唔會膠到買like,我甚至係最極端,我係有名掟like出街(即係ban人),我見可疑人士係二話不說掟出去,免得自己管理有麻煩,維持社區整潔係社區管理員最基本責任。最好啲公關公司,睇吓啲interaction,同埋果啲like嘅人係乜人。KOL嘅基礎係一個community,健康嘅community。

好多我叫石頭爆出嚟嘅KOL,有時係無基礎,一係買like扮有影響力呃人,好似呢間被KO嘅KOL係例子。呢啲根本係中國式造假手法,呢啲page我一般視為妖言惑眾一類,唔單只block,有機會實打埋一份。另一種石頭爆出嚟嘅KOL,唔係佢有獨特見解,或者有唔少網民賞識自己上嚟,而係傳媒唔知自己造神造出嚟,健吾係呢類人,呢啲石頭爆出嚟嘅「KOL」一般跟住一班唔知點解拜神咁拜嘅「信眾」四處生事,其實呢啲友仔啲「信眾」你都有理由相信「買返嚟」。佢地就攞住個朵,霸佔傳媒地盤,兼且發表不負責任言論。政界睇過晒呢啲仆街喇,只不過估唔到依家傳到嚟飲食呢邊。

發表迴響

你的電子郵件位址並不會被公開。 必要欄位標記為 *