五毛-HKT-min

五毛 租PCCW HKT寬頻線路放毒?

同其他blog主,我有一個作風最唔同係,我會捉果啲奇怪嘅IP活動,特別 五毛 嘅活動, 五毛 想放fake news或放毒都無咁容易,今朝寫過幣安嘅文,我就提高警覺,而果然我發現有奇怪IP曾經嚟過,仲要反映五毛嘅新手法。

五毛 租香港IP搞事?

引起我極大懷疑,係以下嘅留言,話日本政府嘅加密貨幣監管都係一鑊泡嚟。

五毛-幣安-min
五毛-幣安-min

我係每一個IP都會check,有古怪就攞去block咗佢,呢個係我一貫做法,而每個IP我都會查80, 443呢啲通唔通過到,因為一般嘅bot都會開咗呢啲port做嘢,結果我發現到以下情景

五毛-HKT-min
五毛-HKT-min

我用瀏覽器去42.200.210.60,係一個https嘅連結,https連結就一定要查數碼證書,因為數碼證書好大機會睇到一啲真相,而結果,呢個PCCW HKT商業網上行嘅固定IP,用嘅數碼證書係俾ucdl.pp.uc.cn,仲要係用img.ucdl.pp.uc.cn嘅證書,而根據img.ucdl.pp.uc.cn嘅IP結果,佢係屬於其中一個中國政府有關連嘅Content Farm,即係果個Content Farm啲友仔想搞事,所以我二話不說立即block咗呢個Ip,而且 UC 係阿里巴巴旗下公司,呢間公司喺我眼中都係賊公司一間,你見到揸住阿里巴巴嘅Certificate嘅網站都知道有唔妥喇。

所以我相信中國 五毛 可能利用喺香港嘅居民身份,或者喺香港嘅公司開立固網線路,特別係Fixed IP線路,然後搞事,因為依家香港啲data centre一般怕惹事,見到古怪IP都會收到投訴後執咗佢,始終香港無保障data centre嘅安全港條款,但如果 五毛 用自己嘅線路就另一個睇法嘞,所以我會對HKBN同PCCW嘅固定IP加強監察,見到 五毛 或一啲古靈精怪動作,我唔只block咁簡單,係直頭好似呢次咁公布天下,等其他Server Admin提高警覺。依家中國啲 五毛 活動係越嚟越仆街同古惑,自己開Server都要打醒十二分精神。

發表迴響

你的電子郵件位址並不會被公開。 必要欄位標記為 *