Marco Rubio-孔子學院-min

孔子學院 可以準備執咗佢

我諗中國仲未知自己有幾得罪美國呢班方丈,只不過, Marco Rubio以及黃之瀚之前嘅老闆 Tom Cotton似乎無諗住俾攻勢停落嚟,喺3月21日,宣布向國會提交 the Foreign Influence Transparency Act,呢個 Act 內容十分之簡單,應該好快過到,就係執咗 孔子學院 佢。

孔子學院 根本係滲透機構嚟

孔子學院 係模仿英國文化協會、法國文化協會、歌德學院呢啲機構嘅設計,但英國文化協會,基本上係一間英文學校加推廣英國留學機構,無乜政治議題(反而成日喺英文堂播Mr. Bean),法國文化協會同歌德學院,都唔會亂溝政治議題,但中國政府搞嘅 孔子學院 就擺明係滲透機構,方便中國間諜插針到世界各地,本來俾 孔子學院 呢啲仆街機構喺西方國家存在已經係錯誤,我相信喺呢項法案通過後,歐洲國家嘅 孔子學院 基本上都準備可以關門大吉,因為全世界都知佢係中國政府嘅代理人,無理由再俾呢啲機構存在喺度搞尿屎屁,搞得唔好,隨時隨之而嚟,就係 孔子學院 相關嘅華籍員工大規模調查同拘捕行動,因為我都幾有理由相信, 孔子學院 班友有好多都係國安人員,甚至中共派駐西方國家用嚟吸收間諜,招攬黨員之用,所以執咗佢係唔夠,仲要拉一堆人,同驅逐一大堆人出境。

清理 孔子學院 我認為只係第一步,下一步就係驅逐中央電視台、中新社、新華社呢啲機構嘅記者出境,以及調查美國中文傳媒究竟有幾多共諜,有幾份中文報紙特別惡名昭彰,例如《僑報》、《明報》美國版、《世界日報》、《星島日報》、鳳凰衛視美國等等,我估相當部分人員已經係中國情報系統嘅人,對華人以至美國安全本身構成威脅,一早應該清理咗佢地,免生問題。對中共第五縱隊嘅連根拔起行動,係一定要加快,但有幸 Tom Cotton以及 Marco Rubio 越嚟越熟書,睇嚟佢地出嘅招將會越嚟越多,由台灣旅行法都睇到,其實佢地可以實質影響特朗普政府嘅對華政策,所以果啲投共華人,小心佢地一返到美國,有朝一日被人控以叛國罪,就唔係講玩。

發表迴響

你的電子郵件位址並不會被公開。 必要欄位標記為 *