貿易戰-min

貿易戰 你至知大鑊?遲唔遲啲呀

侵總統簽咗引發 貿易戰 嘅文件後,侵大帝果然係講數高手,虛張聲勢連歐盟、澳洲都加落去,但結果真係中招果個國家只得一個,就係中國。睇嚟香港做船務果啲,準備要食西北風,而 貿易戰 一爆,啲左膠傳媒講到美國受傷害,但我睇法係,呢件事係引發支爆嘅重要一步,Trump做咗正確嘅一步,就係結束呢個已經變成失控魔鬼嘅中共政權。

貿易戰 爆發嘅遠景

一如美國同意英國將香港交俾中國,本身係有條件嘅,同樣,中國過往作為共產國家,竟然可以享盡各種出口去西方國家嘅特惠,都係有條件,至少有以下三大條件。

  1. 中國最終會步向民主
  2. 中國會守國際規矩,公平對待各國,特別喺經濟發達後
  3. 中國唔會威脅西方民主價值,變成納粹德國同蘇聯後嘅邪惡帝國

當年鄧小平嘅外交政策,係知道西方俾中國改革嘅前提,鄧小平都唔係傻嘅,依家啲共產黨人以為自己有兩個錢,唔搞民主,唔守規矩,威脅西方,點解西方國家仲要買你怕,左膠仲唔敢出手,但特朗普就睬你都傻,其實特朗普將 貿易戰 國家最初搞到全世界都係,其實係迫世界各國要企喺美國呢一邊,特別喺歐盟,歐盟都有部分國家被中國收買咗,所以特朗普呢手好重要,令德國同法國出師有名壓住果啲賣咗屎忽俾中國嘅小國。當中國依家至發現佢要單獨一個面對美國嘅 貿易戰 ,已經太遲。

中國仲以為向美國黃豆收關稅可以報復,中國睇吓自己個樣先,其實美國人自己唔食太多黃豆,大部分係用嚟做飼料、做油墨以及用嚟出口,但中國自己就入口大量黃豆,仲要美國黃豆明顯比中國平好多。中國乜仲有能力做到農業自給自足嘛,以中國人咁賤視農民,習近平唔係以為叫人上山下鄉,啲人就會做番農民嘛。華人地區果種鄙視農業同農民嘅思維,最後就係玩殘咗自己,一旦黃豆價格大漲,中國人民怨聲載道,你習近平承受得起,美國人對你中國人嘅底牌了解得十分清楚,手上底牌削仲學人同侵大帝嗌價,北韓問題上同民主自由問題上走數,乜以為無代價㗎,奧巴馬或者會繼續膠落去,但唔係喺紐約跑江湖出身嘅侵大帝囉。

仲信中國好有前途果啲,你地班友慢慢嘆喇。

3 thoughts on “貿易戰 你至知大鑊?遲唔遲啲呀

  1. 左膠燈神”燒山”,咪日日吹噓說貿易戰最終會令美國無好處.其實是自己在大陸有很多生意,大陸經濟下滑會對自己有影響.特別是娛樂事業.黃豆在大陸根本是重要原材料,以前同美國在南美競爭購買黃豆以攪到很不快,在大陸由黃豆皮榨油(食用油)到之後的豆渣作生畜家禽飼料根本是成粒用盡.飼草?在大陸無大的優質草原,用稻穀餵?自己也要由泰國入口米比人吃;餵動物成本太高.DUMPING這字意義,看看中共做生意的手法.國企代理人會在他國成立一間公司,之後入貨(自己貨品),公司會向當地銀行貸款或以貨品作抵押借錢.之後不還錢或收檔,銀行唯有變買資產,這樣你不需要的貨品便無端端(買)到你自己國內,這行為對一間小公司來說是沒有意義的(自滅),但對於國家層面來說又不同,在大陸那有私人公司?現在還有一招,利用轉口打上當地來源証來行騙.有套記錄片Rotten講食品工業看看中共手法.第一集 Lawyers Guns and Honey 大陸假蜜糖輸美dumping,第三集S01E03 Garlic Breath,大陸大蒜令移居到美國的大陸人都受害. 第6集S01E06 Cod is Dead大陸在美國非法捕魚,班美國左膠不去捉外人反而捉自己人.(如香港一樣,雙重標準),所以美國為何選到侵侵是有原因的.

發表迴響

你的電子郵件位址並不會被公開。 必要欄位標記為 *